અમદાવાદ / કાલુપુર પોલીસ સ્ટેશનના કર્મીઓએ ચાલુ ફરજે ફિલ્મી ડાયલૉગનો વીડિયો બનાવ્યો, DCP ઝોન 3એ કરી કાર્યવાહી

• અમદાવાદના  કાલુપુર પોલીસ સ્ટેશનમાં ફિલ્મી વીડિયો બનાવાયો
• પોલીસકર્મીએ કાલુપુર પોલીસ સ્ટેશનમાં બનાવ્યો વીડિયો 
• સીરાજ અને એડવીન નામના શખ્સો પણ વીડિયોમાં સામેલ

ઘણા એવા પોલીસકર્મીઓ છે જેમના પર સોશિયલ મીડિયાનું ભૂત સવાર છે. અર્પિતા ચૌધરીથી માડી કચ્છના પોલીસ કોન્ટેબલ સુધી અનેક પોલીસ કર્મચારીઓ ચાલુ ડયુટીએ વીડીયો બનાવી શિસ્તભંગની કાર્યવાહી હેઠળ દંડાયા છે.

પોલીસકર્મીઓએ ફરજ દરમ્યાન ફિલ્મી ડાયલોગ સાથે વીડિયો બનાવ્યો 
અમદાવાદના કાલુપુર પોલીસ સ્ટેશનમાં ફિલ્મી વીડિયો વાયરલ કરવાનો કિસ્સો સામે આવ્યો છે.પોલીસકર્મીએ કાલુપુર પોલીસ સ્ટેશનમાં ફિલ્મી ડાયલૉગ પર વીડિયો ઉતાર્યો હતો જેમાં તેની સાથે સીરાજ અને એડવીન નામના શખ્સો પણ સામેલ હતા. ફિલ્મ સૂટઆઉટ એટ વડાલાના મ્યુઝિકમાં માણિયા સુર્વની એક્ટિગ કરી ચાલુ ડયુટી દરમિયાન પોલીસ બુકના શિસ્તનો ભંગ કર્યો હતો. પોલીસકર્મી દ્વારા જ વીડિયો બનાવવામાં આવ્યો હતો.

VTV ગુજરાતીના સળગતા સવાલ

• શિસ્તની વાતો કરતી પોલીસ જ કેમ તોડે છે શિસ્ત ?
• પોલીસ મથકમાં ફિલ્મી વીડિયો બનાવી શકાય ?
• ખાખીધારીઓ જ કેમ કરી રહ્યા શિસ્તનો ભંગ ?
• શુ હવે પોલીસ કર્મી માટે ફરજ પર શિસ્તની જરૂર નથી રહી ?
• ફરજ દરમિયાન પોલીસકર્મીઓ કેમ ભૂલ્યા ભાન ?
• ફિલ્મનુ ભૂત ચડ્યુ હોય તો ફિલ્મોમાં ન જતુ રહેવુ જોઈયે ?
• વીડિયોનો એટીટ્યુડ ગુનેગારો પર કેમ જોવા નથી મળતો ?
• આ કર્મીઓને કાર્યવાહીનો કેમ નહોતો ડર ?

3 પોલીસ કોન્સ્ટેબલ સસ્પેંડ
સોશિયલ મીડિયા પ્લેટફોર્મ પર આ વીડિયો હાલ ખૂબ જ વાયરલ થઈ રહ્યો છે. ત્યારે ફરજ દરમ્યાન ફિલ્મી ડાયલોગ સાથે વીડિયો બનાવાતા કાર્યવાહી પણ કરવામાં આવી છે. 3 પોલીસ કોન્સ્ટેબલને DCP ઝોન 3એ સસ્પેંડ કરી દીધા છે. અને અન્ય કર્મીને ચાલુ ફરજ દરમિયાન આમ  ન કરવા તાકીદ કરવામાં આવી છે.