કાજોલ હવે આવનારા સમયમાં એક શોર્ટ ફિલ્મમાં જોવા મળશે. શોર્ટ ફિલ્મ "દેવી"નું ટ્રેલર રીલીઝ થઈ ગયું છે. આ ફિલ્મમાં મહિલાઓના જીવનના સંઘર્ષ અને મુશ્કેલીઓને દર્શાવવામાં આવે છે. અને આ ફિલ્મમાં 9 મહિલાઓ અલગ અલગ રૂપમાં અને અલગ અલગ વિચારધારાઓ વાળી જોવા મળશે
કાજોલ હવે આવનારા સમયમાં એક શોર્ટ ફિલ્મમાં જોવા મળશે. શોર્ટ ફિલ્મ "દેવી"નું ટ્રેલર રીલીઝ થઈ ગયું છે. આ ફિલ્મમાં મહિલાઓના જીવનના સંઘર્ષ અને મુશ્કેલીઓને દર્શાવવામાં આવે છે. અને આ ફિલ્મમાં 9 મહિલાઓ અલગ અલગ રૂપમાં અને અલગ અલગ વિચારધારાઓ વાળી જોવા મળશે. આ ફિલ્મમાં કાજોલ સાથે નેહા ધૂપિયા અને શ્રુતિ હસન પણ જોવા મળશે.
હવે દેવી શોર્ટ ફિલ્મમાં જોવાનું તે રહેશે કે આખરે આ મહિલાઓ એક રૂમમાં કેમ રહે છે અને આ ફિલ્મ શું દર્શાવવા માંગે છે. 1 મિનિટથી પણ ઓછા સમયનું આ ટ્રેલર દર્શકોને વિચારવા માટે મજબુર કરે છે.
ટ્રેલરમાં દર્શાવવામાં આવ્યું છે કે નવ મહિલાઓ એક જ રૂમમાં બંધ છે અને તેઓ ભારતના અલગ - અલગ રાજ્યમાંથી આવે છે . તેઓ એકબીજા સાથે ઝઘડો કરે છે . કાજોલ પરિસ્થિતિને શાંત કરવાનો પ્રયાસ કરે છે અને તે મધ્યસ્થી તરીકે જોવા મળે છે.
ઉલ્લેખનીય છે કે શોર્ટ ફિલ્મમાં કાજોલ ઉપરાંત શ્રુતિ હસન , નેહા ધૂપિયા , નીના કુલકર્ણી , મુક્તા બાર્વે , સંધ્યા મ્હાત્રે , રમા જોષી , શિવાની રઘુવંશી તથા યશસ્વીની દયામા જોવા મળે છે . આ ફિલ્મને પ્રિયંકા બેનર્જીએ ડિરેક્ટ કરી છે અને ઈલેક્ટ્રિક એન્ટરટેઈન્મેન્ટ લાર્જ શોર્ટ ફિલ્મ્સે પ્રોડ્યૂસ કરી છે . આ શોર્ટ ફિલ્મ 2 માર્ચે રીલીઝ કરવામાં આવશે.