IPLIN
 
  • Home
  • India
  • Kailash Vijayvargiya On Hathras Case : In the state of yogi, the vehicle is overturned anytime

હાથરસ કાંડ / ધીરજ રાખો, યોગીના પ્રદેશમાં ગમે ત્યારે પલટી જાય છે ગાડી : ભાજપના સિનીયર નેતા

Team VTV 05:08 PM, 30 Sep 20
Follow us
Kailash Vijayvargiya On Hathras Case : In the state of yogi, the vehicle is overturned anytime

યુપીમાં દીકરી સાથે થયેલ જઘન્ય અપરાધ બાદ દેશભરમાં આક્રોશ છે અને યુપી પોલીસ તથા સરકાર સામે સવાલો ઉભા થઇ રહ્યા છે ત્યાં ભાજપના દિગ્ગજ નેતાએ મોટું નિવેદન આપ્યું છે.  

  • ગેંગરેપ પીડિતાનું દિલ્હીમાં સારવાર દરમિયાન થયું હતું મોત 
  • હાથરસ પોલીસે મોડીરાતે દબાણપૂર્વક અંતિમ સંસ્કાર કર્યા હોવાનો આરોપ 
  • હાથરસમાં દલિત દીકરી સાથે જઘન્ય કૃત્ય બાદ ચાર આરોપીની ધરપકડ 
  • અમે આરોપીઓને ઝડપી લીધા છે, કેસ ફાસ્ટ ટ્રેક કોર્ટમાં જઈ રહ્યો છે : કૈલાશ વિજયવર્ગીય 

દેશભરમાં આક્રોશ છે ત્યાં ધીરજ રાખવા ભાજપ નેતાની શિખામણ 

દેશભરને આક્રોશિત કરનાર હાથરસ ગેંગરેપ અને મર્ડર કેસને લઈને ભાજપના સિનીયર નેતાએ મોટું નિવેદન આપ્યું છે. તેમણે કહ્યું કે થોડી ધીરજ રાખવી જોઈએ. યોગી આદિત્યનાથના ઉત્તર પ્રદેશમાં ગમે ત્યારે ગાડી પલટી જાય છે. તેમનો ઈશારો વિકાસ દુબેના એન્કાઉન્ટર તરફ હતો જ્યારે તે કુખ્યાત ડોનને મધ્યપ્રદેશથી કાનપુર લાવતી વખતે પોલીસની ગાડી પલટી ખાઈ ગઈ હતી. એટલું જ નહીં હાલમાં જ એવી બીજી ઘટના પણ થઇ જેમાં મુંબઈથી બે દોષીઓને લાવી રહેલી યુપી પોલીસની ગાડી પલટી ગઈ જે બાદ એકની ઘટનાસ્થળે જ મોત થઇ ગઈ જ્યારે બીજો ઈજાગ્રસ્ત થયો. 

ગમે ત્યારે પલટી જાય છે ગાડી : વિજયવર્ગીય 

પત્રકારોએ જ્યારે હાથરસ કાંડ પર સવાલ કર્યો ત્યારે વિજયવર્ગીયએ કહ્યું કે જુઓ અમે આરોપીઓને ઝડપી લીધા છે. કેસ ફાસ્ટ ટ્રેક કોર્ટમાં જઈ રહ્યો છે. મને લાગે છે કે થોડી ધીરજ રાખવી જોઈએ. બધા આરોપીઓ જેલના સળીયા પાછળ ધકેલાશે કારણ કે યોગીજી જે ત્યાંના મુખ્યમંત્રી છે, તેમના પ્રદેશમાં ગમે ત્યારે ગાડી પલટી જાય છે. 

હાથરસનાં લોકોમાં ભારે આક્રોશ 

બીજી તરફ હાથરસની દીકરીના શબને રાતોરાત ગુપચુપ રીતે અંતિમ સંસ્કાર મુદ્દે વિરોધ થઇ રહ્યો છે અને આ મામલે પોલીસ પર પણ સવાલો ઉભા થઇ રહ્યા છે. વિપક્ષી દળો યોગી આદિત્યનાથ સરકાર પર સવાલ ઉઠાવી રહ્યા છે અને જંગલરાજના આરોપ લાગી રહ્યા છે. બીજી તરફ પીએમ મોદીએ પણ યોગીને કડક કાર્યવાહી કરવાના આદેશ આપ્યા છે. 

પોલીસ પર પથ્થરમારા બાદ પરિસ્થિતિ નાજુક 

હાથરસમાં દીકરી સાથે જે જઘન્ય કૃત્ય કરવામાં આવ્યું તે બાદ લોકોમાં ખૂબ આક્રોશ છે. હાથરસમાં જ્યારે યુપીના મંત્રી ભુપેન્દ્ર ચૌધરી પહોંચ્યા તો તેમણે વિરોધનો સામનો કરવો પડ્યો. દીકરીનું દાહ સંસ્કાર કરવા મુદ્દે અત્યારે દલિત સમુદાર ભભૂકી ઉઠ્યો છે અને બીજી તરફ સફાઈ મજૂર સંઘે પણ સફાઈ કામ બંધ કરી દેવાની જાહેરાત કરી છે

Kailash Vijayvargiya hathras gangrape Hathras case Yogi Adityanath
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ