બ્રહ્મલીન / સૌરાષ્ટ્રના જાણીતા સંત મહંત પુનિતાચારીજી દેવલોક પામ્યા, આપ્યો હતો આ વરદાયી મંત્ર, 11 માર્ચે અપાશે મુખાગ્ની

• જૂનાગઢમાં ગિરનાર સાધના આશ્રમના આદ્યસ્થાપક બ્રહ્મલીન થયા
• 90 વર્ષની વયે મહંત પુનિતઆચાર્યજી થયા બ્રહ્મલીન
• પુનિત આચાર્યજીના પાર્થિવ દેહને બે દિવસ દર્શનાર્થે રખાશે
• 11 તારીખે તેમના આશ્રમમાં થશે અગ્નિસંસ્કાર

જૂનાગઢના સંત પુનિત આચાર્ય(પુનિતાચારીજી) 8 માર્ચ 2022ના રોજ બ્રહ્મલીન થયા છે. મહંતના નિધનથી તેમના અનુયાયીઓમાં ભારે શોકની લાગણી પ્રસરી છે. પુનિતાચારીજી મહારાજ જૂનાગઢમાં ભવનાથમાં આવેલા પુનિત આશ્રમના સ્થાપક હતા. તેઓ ગિરનાર ક્ષેત્રના સાત્વિક સંત તરીકે જાણીતા હતા અને સરળ વ્યક્તિત્વ ધરાવતા હતા.

2 દિવસ તેમના પાર્થિવ દેહને દર્શનાર્થે રખાશે, 11 માર્ચે મુખાગ્ની અપાશે

તારીખ 9 અને 10 માર્ચના રોજ સવારે 9:00થી સાંજના 6:00 વાગ્યા દરમિયાન આશ્રમ પરિસરમાં તેમના પાર્થિવ શરીરના અંતિમ દર્શન કરી શકાશે. તા. 11 માર્ચ 2022ના રોજ ફાગણ શુક્લ અષ્ટમી, શુક્રવારે સવારે 10:00 કલાકે તેમના પાર્થિવ શરીરને મુખાગ્નિ આપવામાં આવશે અને તેઓ પંચમહાભૂતમાં વિલીન થઈ જશે. તારીખ 12 માર્ચ 2022ના રોજ સાંજે 4:00થી 6:00 વાગ્યા દરમિયાન આશ્રમ પરિસર ખાતે પ્રાર્થના સભા યોજવામાં આવી છે. 

*ગિરનાર ક્ષેત્રના સિદ્ધ સંત શ્રી પુનિતાચારીજી દત્ત શરણ પામ્યા.*
*૧૧ માર્ચ એ સવારે પંચ મહાભૂત માં થશે વિલીન*
*૧૨ મી માર્ચ ને શનિવારે ગિરનાર સાધના આશ્રમ, જૂનાગઢમાં સાંજે ૪ થી ૬ પ્રાર્થના સભા.*
*ગુરુદત્ત ભગવાનનો સાક્ષાત્કાર થયા પછી હરિઓમ તત્સત જય ગુરુદત્તનો મંત્ર વિશ્વમાં ગજાવ્યો. pic.twitter.com/C1gF07Mj1v

— Girnar Sadhana Ashram (@dattsahajyoga) March 9, 2022

હરિ ૐ તત્સત જય ગુરુદત્તઃ વરદાની મહામંત્ર

સંત પુનિતાચારીજી ગુરૂદત્ત મહારાજના ઉપાસક હતા. સંત પુનિત આચાર્યજીએ ભારતીય સંસ્કૃતિમાં અત્યંત મહત્વની 'ધ્યાન' પરંપરાને જીવંત રાખવામાં સહજ ધ્યાન યોગ શિબિરો દ્વારા મહત્વનું યોગદાન આપ્યું હતું. સંત પુનિત આચાર્યે વરદાની મહામંત્ર 'હરિ ૐ તત્સત જય ગુરુદત્ત' દ્વારા અનેક લોકોના જીવન પરિવર્તન અપાવ્યું. આ મંત્રથી ઘણાં લોકોનાં જીવનને સાત્વિક બનાવવામાં મોટું યોગદાન આપ્યું હતું. 

દેશ વિદેશથી પણ ઘણાં લોકો આવતા હતા આશ્રમ

આચાર્યના પુનિત આશ્રમમાં દેશ વિદેશથી પણ અનેક લોકો યોગ અને ધ્યાન માટે આવતા હતા. ત્યારે હવે તેમના અંતિમ દર્શન માટે આશ્રમ ખાતે લોકો એકઠાં થઈ રહ્યા છે.