જૂનાગઢ / 'ખંઢેર' આંગણવાડીમાં બાળકો નહીં ઝેરી જાનવરો ફરે છે, ઓસા ગામના સરપંચની અનેક રજૂઆત પણ બહેરૂ બન્યું તંત્ર

• પા.પા.પગલી યોજનાનું બાળમરણ!
• ખંડેર છે બાળકોનું બાલમંદિર
• આમાં કેવી રીતે ભણશે ગુજરાત?

પા.પા.પગલી.આ શબ્દ બાળક જ્યારે ચાલતા શિખે ત્યારે સાંભળવા મળે છે . અને એક સારા ઉદ્દેશ્ય સાથે સરકારે 3 થી 5 વર્ષના ભૂલકાઓ માટે પા.પા.પગલી યોજના પણ શરૂ કરી.પરંતુ આ યોજનાનું બાળ મરણ થયું હોય તેવો કિસ્સો સામે આવ્યો છે. જેમાં આંગણવાડીમાં બાળકોની જગ્યાએ ઝેરી જાનવરો હરે.ફરે છે. 

આંગણવાડીની હાલત દયનીય
ખંડેર. કહેશો.બાલમંદિર કહેશો. કે, પછી ઝેરી જીવ-જંતુઓને રહેવાનું ઘર.આ દ્રશ્યો જૂનાગઢ જિલ્લાના ઓસા ગામના છે. જ્યાં આંગણવાડીની હાલત એટલી ખરાબ છે કે, બાળકોને બેસવા લાયક પણ નથી.કારણ કે, અહીં ગમે ત્યારે દુર્ઘટના ઘટી શકે છે. અને બાળકોને કાંઈપણ થઈ શકે છે.   સરકારની પાપા પગલી યોજનાનો હેતું એવો છે કે, 5 વર્ષ સુધીના બાળકોના પૂર્વ પ્રાથમિક શિક્ષણનો પાયે મજબૂત બને. પરંતુ ઓસા ગામના આ દ્રશ્યો જોઈને તો એવું સ્પષ્ટ થાય છે કે, સરકારની યોજનાનું અહીં બાળ મરણ થયું છે. 

ઓસા ગામના સરપંચે વારંવાર કરી રજૂઆત 
ઓસા ગામની આ આંગણવાડી બાળકોના ભણવા લાયક નથી. તેવામાં નવી આંગણવાડી માટે રજૂઆતો પછી 2021માં જગ્યા પણ ફાળવવામાં આવી હતી. પરંતુ આજદીન સુધી અધિકારીઓ દ્વારા વર્ક ઓર્ડર નથી આપવામાં આવ્યો. જેના કારણે આજે પણ બાળકો ખંડેર આંગણવાડીમાં ભણવા માટે મજબૂર છે. 

શું આવી રીતે ચાલે છે સરકારની યોજનાઓ?
સરકારની પાપા પગલી યોજના માત્ર જાહેરાતોમાં અને કાગળ પર હોય તેવું જ લાગી રહ્યું છે.આ ગામની આંગણવાડીની હાલત જોતા સવાલ એ થાય છે કે, શું સરકાર આ ખંડેર ઓરડાઓને આંગણવાડી કહે છે.? આવી ખંડેર જગ્યામાં નાના ભુલકાઓ કેવી રીતે ભણી શકે? અહીં કોઈ ઝેરી જાનવર બાળકોને કરડી ગયું તો? ખંડેર આંગણવાડીમાં કોઈ દુર્ઘટના ઘટી તો કોણ જવાબદાર? સવાલો અનેક છે. ત્યારે આશા રાખીએ કે, વટીવી ન્યૂઝના આ અહેવાલ બાદ ઊંઘતું તંત્ર જાગશે. અને વહેલી તકે અહીં આંગણવાડીનું નિર્માણ કરશે.