હાર-જીત / જૂનાગઢ મનપાની પેટાચૂંટણીઃ જાણો માત્ર કેટલા વોટથી કોંગ્રેસનો થયો વિજય, AAPને મળ્યા આટલા મત

• જૂનાગઢ મહાપાલિકામાં બે વોર્ડની પેટાચૂંટણી
• વોર્ડ નંબર 6માં કોંગ્રેસના ઉમેદવાર લલિત પરસાણાનો વિજય
• ભાજપના ઉમેદવાર અરવિંદ રામાણીની હાર

ગુજરાતમાં સ્થાનિક સ્વરાજની ચૂંટણીમાં લોકોની નજર 6 મહાનગરપાલિકા પર હતી. ત્યારે જૂનાગઢ મહાનગર પાલિકામાં પણ પેટા ચૂંટણી યોજાઈ હતી. જેના પરિણામમાં કોંગ્રેસનો વિજય થયો છે. આશ્ચર્યની વાત એ છે કે, કોંગ્રેસ ઉમેદવાર લલિત પણસારાનો માત્ર 42 મતે વિજય થયો છે. જ્યારે ભાજપના ઉમેદવારની હાર થઈ છે. ભાજપના નેતા અરવિંદ રામાણીને 2625 મત મળ્યા હતા. તો અપક્ષના ઉમેદવાર 2145 મત મળ્યા હતા. જો કે, ત્રણેય ઉમેદવારો વચ્ચે 100 મતનો પણ ફરક રહ્યો નથી. 

કોંગ્રેસના ઉમેદવારને 2687 મત
ભાજપના ઉમેદવારને 2645 મત
અપક્ષ પ્રવીણ વાઘેલાને 2155 મત
આમ આદમી પાર્ટીને 100 મત

તો એક તરફ ભાજપની પણ વોર્ડ-15મા જીત નોંધાઈ છે. વોર્ડ-15માં ભાજપાના નાગજી કટારાનો વિજય થયો છે. ભાજપના ઉમેદવાર નાગજી કટારાએ પોતાના સ્વ.પિતાશ્રી ડાયાભાઈ કટારાની બેઠક પર ફરી ભાજપનો ઝંડો લહેરાવ્યો છે. તેમની સામે કોંગ્રેસના લાખા પરમારની હાર થઈ છે. તો એક તરફ કોંગ્રેસના કાર્યકરો પણ ઉજવણી કરી રહ્યા હતા. ત્યારે બીજી તરફ ભાજપના કાર્યકરો પણ વોર્ડ-15માં જીતના કારણે ઉજવણી કરી રહ્યા હતા.