દુર્ઘટના / હૈદરાબાદ નજીક ગુજરાતના ધારાસભ્યના પરીવાર નડ્યો અકસ્માત, પૌત્રીનું મોત, 6 ઇજાગ્રસ્ત

આજે જૂનાગઢના ધારાસભ્ય ભીખાભાઇ જોષીના પરીવારને અકસ્માત નડ્યો હતો. હૈદરાબાદથી 70 કિલોમીટર દૂર તેમની કાર અને ટ્રેક વચ્ચે અકસ્માત સર્જાયો હતો. જેમાં ધારાસભ્યની 15 વર્ષીય પૌત્રીનું મોત થયું છે, જ્યારે અન્ય 6 ઇજાગ્રસ્ત થયા છે. ઇજાગ્રસ્તોને તાત્કાલિક સારવાર અર્થે હોસ્પિટલ ખસેડવામાં આવ્યા છે.

મહત્વનું છે કે ભીખાભાઇ જોષીના પરીવારના 7 સભ્યો આંધ્રપ્રેદશ ફરવા ગયા હતા. ત્યારે હૈદરાબાદ નજીક પરીવારની કારને અકસ્માત નડ્યો હતો. સામેથી આવી રહેલ ટ્રકે કારને અડફેટે લીધી હતી. જેને લઇને અકસ્માત સર્જાયો હતો.

#Congress ધારાસભ્ય ભીખાભાઈ જોષીના પરીવારને નડ્યો અકસ્માત, 15 વર્ષીય પૌત્રીનું થયુ મોત#Accident @GujaratPolice pic.twitter.com/NIv0IeC671

— VTV Gujarati News and Beyond (@VtvGujarati) May 18, 2019

અકસ્માતમાં પૌત્રીનું મોત થતા પરિવાર અને જીલ્લા કોંગ્રેસમાં દુઃખની લાગણી વ્યાપી હતી. હાલ તેની અંતિમ ક્રિયા માટે પરીવાર જૂનાગઢ પરત આવવા માટે રવાના થયા છે.

જોકે અકસ્માતની જાણ થતા સ્થાનિક પોલીસ ઘટનાસ્થળે પહોંચી ગઇ હતી. પોલીસે કાયદેસરની કાર્યવાહી હાથ ધરી છે. ઘટનાના પગલે સ્થાનિક લોકોના દોડી આવ્યા હતા.