ચૂંટણી પરિણામ / જૂનાગઢ મહાનગરપાલિકામાં કેસરિયો લહેરાયો, કોંગ્રેસે માત્ર ખાતું ખોલ્યું અને NCPની કોંગ્રેસ કરતાં ચાર ગણી બેઠકો પર જીત  

ચૂંટણીમાં ભાજપે 59માંથી 54 બેઠક મેળવી કેસરિયો લહેરાવ્યો છે. તો આ ચૂંટણીમાં NCPની એક પેનલની જીત થઈ છે. વોર્ડ નંબર 8ના NCPના ઉમેદવાર અડ્રેમાન પંજા, વિજય વોરા, શેનીલા બેન થઇમ અને મહેરુનિશાબેન કાદરીની જીત થઈ છે. જ્યારે કોંગ્રેસ એક પણ પેનલ પોતાના નામે કરી શકી નથી.

આ ચૂંટણીમાં કોંગ્રેસની પેનલના માત્ર એક જ ઉમેદવારની જીત થઈ છે. ચૂંટણીના પરિણામ જાહેર થયા બાદ કોંગ્રેસના કાર્યાલય ખાલી જોવા મળ્યા હતા. જ્યારે બીજી તરફ ભાજપના કાર્યાલય પર જમાવડો જોવા મળ્યો હતો. એક પેનલની જીત બાદ NCPના કાર્યકરોમાં પણ ઉત્સાહ જોવા મળ્યો હતો.

વોર્ડ નં. 1, 2, 5, 6, 7 9, 10,11,12, 13, 14, 15માં ભાજપની પેનલનો વિજય થયો છે. જ્યારે વોર્ડ નં.4માં ભાજપનો 3 અને કોંગ્રેસનો એક અને એનસીપીનો 4 બેઠક પર વિજય થયો છે. ભાજપને બહુમતી મળતા જીતની ઉજવણી શરૂ થઈ ગઈ હતી. જૂનાગઢ કોર્પોરેશનની ચૂંટણીમાં ભાજપની જીત નિશ્ચિત મનાતા રાજકોટના કોર્પોરેશન ચોકમાં ફટાકડા ફોડી ભાજપે ઉજવણી કરી હતી.