નિવેદન / 'શોમાં પ્રમોશન કરવાથી ટિકિટનાં સેલ્સમાં વધારો થતો નથી' : ધ કપિલ શર્મા શોને લઈને જુઓ શું કહી ગયા જ્હોન અબ્રાહમ

• કપિલનો શો ટિકિટ સેલ્સ ન વધારી શકે - જ્હોન અબ્રાહમ 
• મેં નથી જોઈ ધ કશ્મીર ફાઈલ્સ - જ્હોન અબ્રાહમ 
• 1 એપ્રિલના રોજ અટેક થશે રિલીઝ 

બોલિવુડનાં હેન્ડસમ હંક સ્ટાર જોન અબ્રાહમ આજકાલ પોતાની નવી ફિલ્મ અટેકને લઈને ચર્ચામાં છે. તેઓ રિલીઝ પહેલા ફિલ્મનું ઘણા ઉત્સાહથી પ્રમોશન કરી રહ્યા છે. હાલમાં ફિલ્મનાં પ્રમોશન માટે તેઓ 'ધ કપિલ શર્મા શો'માં પહોંચ્યા હતા, પરંતુ તેમનું માનવું છે કે કપિલના શોમાં ફિલ્મનું પ્રમોશન કરવાનો અર્થ એ નથી કે ટિકિટનાં સેલ્સ વધી જશે. 

કપિલના શોને લઈને કહી આ વાત 
જ્હોન અબ્રાહમે એક ઇન્ટરવ્યૂ દરમિયાન, હાલમાં જ રિલીઝ થયેલ ફિલ્મ 'ધ કશ્મીર ફાઈલ્સ'ની પોપ્યુલારિટીને લઈને વાત કરતા કહ્યું હતું કે કપિલના શોમાં પ્રમોશનથી વધારે ટિકીટો વહેંચાવાની ગેરંટી મલ્ટી નથી. 'ધ કશ્મીર ફાઈલ્સ'ને જ જોઈ લો. આ ફિલ્મનું પ્રમોશન કપિલના શોમાં નહોતું થયું, પરંતુ છતાં પણ બોક્સ ઓફિસ પર શાનદાર કમાણી કરી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by John Abraham (@thejohnabraham)

મેં નથી જોઈ ધ કશ્મીર ફાઈલ્સ 
જ્હોન કહે છે કે મેં ફિલ્મ 'ધ કશ્મીર ફાઈલ્સ' જોઈ નથી, પરંતુ મેં અટેકનાં ડાયરેક્ટર લક્ષ્ય રાજ આનંદને કહ્યું છે કે કોઈ જાતની માર્કેટિંગ વિના સુપરહીટ થનાર ફિલ્મનું સૌથી સારું ઉદાહરણ તમારી સામે છે. જ્હોન જણાવે છે કે લક્ષ્હાય રાજ આનંદ ફિલ્મનું ધ કપિલ શર્મા શોમાં પ્રમોશન કરવા માંગતા હતા. તેઓ કહે છે કે લક્ષ્ય મને કપિલ શર્મા શોમાં લઈને ગયા. તેઓ કપિલને ખૂબ જ પસંદ કરે છે, પરંતુ તેનો શો ટિકિટ સેલ્સ ન વધારી શકે. 

ક્યારે રિલીઝ થશે જ્હોનની ફિલ્મ અટેક?
જ્હોન અબ્રાહમની ફિલ્મ અટેકમાં રકુલ પ્રીત સિંહ, જેકલીન ફર્નાન્ડીસ, પ્રકાશ રાજ અને રત્ના પાઠક શાહ જેવા કલાકારો પણ મુખ્ય ભૂમિકાઓમાં જોવા મળશે. હીરો હોવાની સાથે સાથે જ્હોન અબ્રાહમ આ ફિલ્મનાં કો પ્રોડ્યુસર પણ છે. આ ફિલ્મ 1 એપ્રિલ, 2022નાં રોજ સિનેમાઘરોમાં રિલીઝ થશે. આ ઉપરાંત, જ્હોન અબ્રાહમ ફિલ્મ 'પઠાન'માં પણ જોવા મળશે, જેમાં તેઓ સુપરસ્ટાર શાહરૂખ ખાન અને દીપિકા પાદુકોણ સાથે સ્ક્રીન શેર કરી રહ્યા છે.