એલન મસ્કને ટ્વીટર ખરીદ્યાને 7 દિવસ પણ નથી થયાં ત્યારે ચારેય તરફથી ટ્વિટર અને મસ્કની આલોચના થઇ રહી છે. આજે રાષ્ટ્રપતિ જો બાઇડને પણ તેની આલોચના કરી છે.
અમેરિકાનાં રાષ્ટ્રપતિ જો બાઇડનનું નિવેદન
ટ્વિટર પર ચાલી રહી ઘટનાઓની કરી આલોચના
ખોટી માહિતીનાં પ્રસારણ પર રોક લગાવવા કરી વાત
અમેરિકાનાં રાષ્ટ્રપતિ જો બાઇડને દુનિયાનાં સૌથી અમીર વ્યક્તિનાં નિર્ણયની આલોચના કરી છે. તેમણે ટ્વિટર ખરીદ્યા પર કહ્યું કે દુનિયાનાં સૌથી અમીર વ્યક્તિએ એક એવું પ્લેટફોર્મ ખરીદ્યું છે જે દુનિયાને જૂઠું મોકલે છે અને ફેલાવે છે. એલન મસ્કે 27 ઑક્ટોબર 2022નાં 44 બિલિયન અમેરિકી ડોલરનાં ટ્વિટર ખરીદ્યું છે.
બાઇડને ખોટી વાતો ફેલાવવા પર કરી વાત
જો બાઇડને સોશિયલ મીડિયાનાં માધ્યમથી જૂઠી માહિતી ફેલાવવાને લઇને ગંભીર ચિંતા વ્યક્ત કરી છે. તેમણે કહ્યું કે અમેરિકામાં હવે કોઇ એડિટર નથી અને અમે આશા રાખીએ છીએ કે બાળકો એ સમજવા માટે સક્ષમ હશે કે જોખમમાં કઇ વસ્તુ છે.
કારાઇન જીન પિયરે પ્રેસ કોન્ફેરેન્સમાં કરી આ વાત
વાઇટ હાઉસની પ્રેસ સચિવ કારાઇન જીન પિયરે એક પત્રકાર સમ્મેલનમાં કહ્યું કે અમેરિકી રાષ્ટ્રપતિ બાઇડને સોશિયલ મીડિયા પ્લેટફોર્મ પર ખોટી માહિતીનાં પ્રવાહને ઘટાડવા માટેની સંભાવનાઓને બળ આપ્યું છે. તેમણે કહ્યું કે ફેસબુક, ટ્વિટર અને અન્ય સોશિયલ મીડિયા પ્લેટફોર્મ યૂઝર્સ ખોટી માહિતીઓ ફેલાવી શકે છે તેથી બાઇડને સ્પષ્ટરૂપે ખોટી માહિતીનાં પ્રસારણ પર રોક લગાવવાની વાત કરી છે.
ટ્વિટર પર બધુ બરાબર કરવાની મસ્કે કરી વાત
બીજી તરફ મસ્કે વાયદો કર્યો છે કે ટ્વિટરને 'હેલસ્કેપ'માં જતાં અટકાવશે. તો પ્રમુખ વિજ્ઞાપનદાતાઓએ મસ્કનાં ટ્વિટર ઓવરટેક વિષયે આશંકા વ્યક્ત કરી હતી. એલન મસ્કના ટ્વિટર ટેકઓવર પછી તેને લગતી વિવિધ ઘટનાઓ શરૂ થઇ ચૂકી છે.
કર્મચારીઓની થઇ છંટણી
શુક્રવારે ટ્વિટરમાં કામ કરતાં કર્મચારીઓને હટાવવાની પ્રક્રિયા પણ શરૂ કરવામાં આવી. જો કે માહિતી અનુસાર એલન પોતાની કંપનીમાં ફેરફારો કરી એક અરબ ડોલર બચાવવા ઇચ્છે છે.