કરુણાંતિકા / અચાનક મોત બનીને આવ્યો મેઘ: ઘરમાં જ તરફડીને જતો રહ્યો જીવ, બોડેલી-નવસારીમાં 2 વૃદ્ધાના મોત

• રાજ્યમાં ભારે વરસાદ વચ્ચે બે જિલ્લામાં 2 વૃદ્ધાનું મોત 
• બોડેલીના પાણેજ ગામમાં એક વૃદ્ધ મહિલાનું મોત
• નવસારી શહેરમાં પૂરના પાણી ઉતર્યા બાદ કરુણાંતિકા

રાજ્યમાં અનરાધાર વરસી રહેલા વરસાદ વચ્ચે છોટા ઉદેપુર અને નવસારીમાં બે વૃદ્ધાનું મોત થયું છે. પ્રાથમિક વિગતો મુજબ છોટા ઉદેપુરના બોડેલી તાલુકામાં વૃધ્ધ મહિલા પોતાના ઘરમાં જ હતા અને અચાનક પાણી આવતા તેમનું મોત થયું છે. તો આ તરફ નવસારી શહેરમાં પણ ઘરમાં અચાનક પાણી આવી જતાં બહાર ન નીકળી શકતા મહિલાનું મોત થયું છે. 

બોડેલીના પાણેજ ગામમાં એક વૃદ્ધ મહિલાનું મોત

છોટા ઉદેપુરમાં ભારે વરસાદ વચ્ચે એક મહિલાનું મોત થયાના સમાચાર સામે આવ્યા છે. વિઓગતો મુજબ બોડેલી તાલુકાના પાણેજ ગામમાં એક વૃદ્ધ મહિલાનું મોત થયું છે. જેમાં અચાનક પાણી આવ્યું તે દરમ્યાન વૃદ્ધ મહિલા ઘરમાં જ હોય અને રાત્રિનો સમય હોય મહિલા બહાર ન નીકળી શકતા તેમનું મોત થયું હતું. જોકે પરિવારે બચાવવાનો પ્રયાસ કર્યો પરંતુ બચાવી શક્ય નહોતા. 

નવસારી શહેરમાં પૂરના પાણી ઉતર્યા બાદ કરુણાંતિકા

નવસારી શહેરમાં પણ પૂર આવ્યા બાદ એક મહિલાનો મૃતદેહ મળી આવ્યો છે. વિગતો મુજબ શહેરના વોર્ડ નં-13 અને બાલાપીર દરગાહની પાછળ રહેતા વૃદ્ધાનું ડૂબી જવાથી મોત થયું છે. આજે સવારે પૂરના પાણી ઉતર્યા બાદ તેમનો મૃતદેહ મળ્યો હતો. આ તરફ પૂરના પાણીમાં ડૂબી જવાથી વૃદ્ધાનું મોત થતાં પરિવારજનો ઘેરા શોકમાં ગરકાવ થઈ ગયા છે. 

રાજ્યમાં ભારેથી અતિભારે વરસાદની આગાહી 

ગુજરાત માટે આગામી 48 કલાક 'અતિભારે" છે. જેને લઇ હવામાન વિભાગે મોટી આગાહી કરી છે. હવામાન વિભાગની આગાહી મુજબ રાજ્યમાં આગામી આગામી 48 કલાક સુધી ભારેથી અતિ ભારે વરસાદ પડી શકે છે. આ સાથે કેટલાક વિસ્તારોમાં તો 15 ઈંચ સુધી વરસાદની શક્યતા હોવાનું જણાવ્યું છે. જેને લઈ હવે તંત્ર દ્વારા લોકોને કામ વગર ઘરની બહાર નહીં નીકળવા અપીલ કરાઇ છે.