લ્યો બોલો ! / હજી તો 5Gનું ઠેકાણુ નથી ત્યાં તો Reliance Jio ની 6G માટે તૈયારીઓ શરૂ, 100 ગણી વધારે સ્પીડ આપશે

• જિયોની પેટાકંપની Estonia એ 6જી પર કામ કરવાનું શરૂ કર્યુ
• કંપની 6જી નેટવર્કની જાણકારી મેળવવા University of Ouluની સાથે કરશે કામ
• Jio 6Gની અસર મેન્યુફેક્ચરિંગ, ડિફેન્સ અને ઈન્ડસ્ટ્રીયલ મશીનરી પર પણ પડશે 

જે ભવિષ્યના વાયરલેસ એન્ડ-ટૂ-એન્ડ સોલ્યુશન્સને યુઝર જરૂરીયાતની એક વાઈડ રેન્જ માટે સક્ષમ કરશે. ઉલ્લેખનીય છે કે, 6G માં 5G થી 100 ગણી વધારે સ્પીડ હશે. 

5G થી 100 ગણુ વધુ ઝડપી હશે 6G

કંપનીએ આગળ વધવાની પોતાની યોજનાઓનો ખુલાસો કર્યો નથી. પરંતુ આ ઉલ્લેખ કર્યો છે કે આ ભાગીદારીથી એરિયલ અને સ્પેસ કોમ્યુનિકેશન, હોલોગ્રાફિક બીમફોર્મિગ, સાઈબર સિક્યોરિટી, માઇક્રો-ઇલેક્ટ્રોનિક અને ફોટોનિક્સમાં 3D કનેક્ટેડ ઈન્ટેલિજન્સને ઈન્ડસ્ટ્રી અને એકેડમી બંનેમાં પ્રોત્સાહન મળશે. 6જી નેટવર્ક 5જીની તુલનામાં 100 ગણી વધુ સ્પીડની રજૂઆત કરશે. જેનો અર્થ છે સીમલેસ ડેટા ટ્રાન્મિશન માટે ડાઉનલિંક સ્પીડ 1000 જીબીપીએસ જેટલી વધુ હશે. 

આ સેક્ટર્સ પર ધ્યાન કેન્દ્રીત રહેશે

Jio 6Gની અસર મેન્યુફેક્ચરિંગ, ડિફેન્સ અને ઈન્ડસ્ટ્રીયલ મશીનરી પર પણ પડશે. આ નેટવર્ક 5જીની સાથે પણ હશે અને મોટી રેન્જના ગ્રાહકો અને સાહસોને કવર કરશે. ટેકનિકની વાત કરીએ તો 5G થી 6G ઘણુ સારું રહેશે. જેનો ઉદ્દેશ્ય તેજ ગતિ અને સારી કનેક્ટિવિટીની સાથે-સાથે ટેરાહર્ટ્જ ફ્રિકવન્સીના માધ્યમથી સેલ-ફ્રી MIMO, ઈન્ટેલિજન્ટ સર્ફેસ અને હાયર કેપિસિટી લાવવાનુ હશે. 

ઘણા દેશોમાં ચાલી રહ્યું છે રિસર્ચ

જિયો પ્લેટફોર્મ્સના સિનિયર વાઇસ પ્રેસિડેન્ટ આયુષ ભટનાગરે કહ્યું, ઓલૂ વિશ્વવિદ્યાલયની સાથે 6જી રિસર્ચ અને કેપિસિટીઝમાં પ્રારંભિક રોકાણ, 5જીમાં જિયો લેબની ક્ષમતાઓને પૂરક કરી શકે છે અને 6જીને જીવનમાં લાવી શકે છે. આ સાબિત કરવા માટે જરૂરી ડેટા નથી. પરંતુ એવુ માનવામાં આવે છે કે 6Gની ઝડપ 5G થી 100 ગણી વધારે હશે. સેમસંગે આ આગામી પેઢીના નેટવર્ક માટે 1000 જીબીપીએસ સુધીની ગતિની કલ્પના કરી છે. જેનુ રિસર્ચ અને ડેવલપમેન્ટ ચીન અને જર્મની જેવા દેશોમાં શરુ થઇ ચૂક્યુ છે.