રિલાયન્સ જિયોએ ઓક્ટોબરમાં અન્ય નેટવર્ક પર કોલિંગ માટે IUC ચાર્જ લેવાના શરૂ કરી દીધા હતા. તેના માટે ગ્રાહકોએ અલગથી રિચાર્જ કરાવવું પડતું હતું. ગ્રાહકોને થતી અસુવિધા ધ્યાનમાં રાખીને જિયોએ 4 ઓલ ઈન વન પ્લાન રજૂ કર્યા હતા. જિયોના આ પ્લાનની કિંમત 222 રૂપિયા, 333 રૂપિયા, 444 અને 555 રૂપિયા હતી. આ ચારેય પ્લાનની ખાસ વાત એ હતી કે આ બધાંમાં રોજ 2 જીબી ડેટા અને અન્ય નેટવર્ક પર કોલિંગ માટે 1000થી 3000 નોન-જિયો મિનિટ આપવામાં આવતી હતી. પણ હવે રિલાયન્સ જિયોએ 10 ડિસેમ્બરથી તેના ટેરિફ પ્લાન મોંઘા કરી દીધા છે. જેથી અમે તમને આ ચારેય પ્લાનની જગ્યાએ સમાન સુવિધાવાળા અન્ય કયા પ્લાન લઈ શકાય તે જણાવી રહ્યા છે.
જિયોએ ગ્રાહકોની સુવિધા માટે લોન્ચ કર્યા હતા આ પ્લાન
જિયોએ 10 ડિસેમ્બરથી તેના ટેરિફ પ્લાન મોંઘા કરી દીધા છે
આ પ્લાનની વેલિડિટી 28 દિવસની હતી. આમાં રોજ 2 જીબી ડેટા અને રોજના 100 એસએમએસ મળતા હતા. જિયોથી જિયો પર કોલિંગ ફ્રી હતું. જ્યારે જિયોથી અન્ય નેટવર્ક માટે 1000 મિનિટ મળતા હતા. પણ હવે આ પ્લાનની કિંમત 249 રૂપિયા છે.
333 રૂપિયાના પ્લાનની જગ્યાએ 399 રૂપિયાનો પ્લાન
આ પ્લાનની વેલિડિટી 56 દિવસની હતી. આમાં રોજ 2 જીબી ડેટા અને રોજના 100 એસએમએસ મળતા હતા. જિયોથી જિયો પર કોલિંગ ફ્રી હતું. જ્યારે જિયોથી અન્ય નેટવર્ક માટે 1000 મિનિટ મળતા હતા. પણ હવે આ પ્લાનની કિંમત 399 રૂપિયા કરી દેવામાં આવી છે. જેમાં 56 દિવસની વેલિડિટી, રોજ 1.5 જીબી ડેટા અને અન્ય નેટવર્ક પર 2000 મિનિટ આપવામાં આવી છે.
444 રૂપિયાના પ્લાનની જગ્યાએ 444 રૂપિયાનો પ્લાન
આ પ્લાનની વેલિડિટી 84 દિવસની હતી. આમાં રોજ 2 જીબી ડેટા અને રોજના 100 એસએમએસ મળતા હતા. જિયોથી જિયો પર કોલિંગ ફ્રી હતું. જ્યારે જિયોથી અન્ય નેટવર્ક માટે 1000 મિનિટ મળતા હતા. આ પ્લાનની કિંમત હજી પણ આટલી જ છે. પણ તેની વેલિડિટી ઘટાડીને 56 દિવસ કરી છે અને અન્ય નેટવર્ક પર 2000 મિનિટ આપ્યા છે.
555 રૂપિયાના પ્લાનની જગ્યાએ 599 રૂપિયાનો પ્લાન
આ પ્લાનની વેલિડિટી 84 દિવસની હતી. આમાં રોજ 2 જીબી ડેટા અને રોજના 100 એસએમએસ મળતા હતા. જિયોથી જિયો પર કોલિંગ ફ્રી હતું. જ્યારે જિયોથી અન્ય નેટવર્ક માટે 3000 મિનિટ મળતા હતા. હવે આ પ્લાનની કિંમત 599 રૂપિયા કરી દેવામાં આવી છે.