Health Tips / કીટો ડાયેટના ક્રેઝ સામે સેલિબ્રિટીસની પર્સનલ ટ્રેઇનરે આપી આવી ચેતવણી

ઉલ્લેખનીય છે કે, કીટો ડાયેટ એટલે ભોજનમાં વધુમાં વધુ પ્રોટિન અને ઓછામાં ઓછા કાર્બોહાઇડ્રેટસ લેવા.કીટો શબ્દ કીટોસિસ પરથી આવ્યો છે.શરીરની સામાન્ય ચયાપચયની ક્રિયાને મેટાબોલિઝમ કહે છે. જયારે કાર્બોહાઇડ્રેટની કમી હોય ત્યારે કોષોને એનર્જી આપવા શરીર ફેટ એટલે કે ચરબી બાળે તેને કીટોસિસ કહે છે. તે પણ મેટાબોલિઝમનો એક પ્રકાર છે.કીટો ડાયેટ લેનારા તેમના ખોરાકમાં પ્રોટિન અને ફેટ વધારે લે છે અને કાર્બોહાઇડ્રેટસ સાવ ઓછા. જેના કારણે શરીર ફેટ બર્નીંગ સ્ટેટમાં પહોંચે છે. 

કીટો ડાયેટનો વિચાર નવો નથી પરંતુ તે છેલ્લા કેટલાક સમયથી વધુ પ્રચલિત છે .મિશેલ કહે છે કે કીટો ડાયેટ ડાયાબિટિશથી પિડાતા દર્દીઓ માટે ફાયદાકારક છે.પરંતુ જેમને કોઇ બિમારી નથી તેઓ માત્ર વજન ઘટાડવા આ ડાયેટ ફોલો કરે તે યોગ્ય નથી.

લોકો કીટોના ફાયદાની વાત કરે છે,પરંતુ જયારે શરીર કીટોસિસ મેટાબોલિઝમ હેઠળ લાંબો સમય રહે છે ત્યારે શરીરની બાયોકેમેસ્ટ્રી બદલાય છે.જે થાયરોઇડ સિસ્ટમ ઉપરાંત કિડની અને લીવરને ડેમેજ કરે છે.ઉપરાંત શરીરના કોષો પણ યોગ્ય રીતે કામ કરતા નથી. મિશેલ કહે છે કે દરેક વ્યકિતએ પોતાની સમજનો ઉપયોગ કરીને બેલેન્સ ડાયેટ લેવો જોઇએ.

શરીર માટે પ્રોટિન ઉપરાંત ફેટ અને યોગ્ય પ્રમાણમાં કાર્બોહાઇડ્રેટસ પણ એટલા જ જરુરી છે.વજન ઘટાડવા માટે જરુરિયાત કરતા થોડી ઓછી કેલેરી લેવી જોઇએ.સામાન્ય રીતે મહિલાઓ માટે દરરોજ 1500 અને પુરુષો માટે 2000 કેલેરી પુરતી છે.