વડગામના ધારાસભ્ય જીગ્નેશ મેવાણી સામે વલસાડમાં ફરિયાદ દાખલ થઈ છે. જીગ્નેશ મેવાણી સામે વલસાડ સીટી પોલીસ સ્ટેશનમાં ફરિયાદ દાખલ થઈ છે. જીગ્નેશ મેવાણીએ સ્કૂલના વિદ્યાર્થીઓને માર મારતો ફેક વીડિયો વાયરલ કર્યો હતો.
આ વીડિયો જીગ્નેશ મેવાણીએ ટ્વીટ કર્યો હતો. તે સમયે જીગ્નેશ મેવાણીએ પીએમઓ પાસે આ મામલે ખુલાસા પણ માગ્યા હતા, પણ વિવાદ વધતા ધારાસભ્યો દ્વારા આ ટ્વીટ પણ હટાવી લેવામાં આવ્યો હતો. ત્યારે આ વીડિયો ટ્વીટ કરવાના મામલે શાળાના જ આચાર્યએ જીગ્નેશ મેવાણી સામે ફરિયાદ દાખલ કરી છે. ત્યારે પોલીસે પણ ગુનો નોંધીને વધુ કાર્યવાહી હાથ ધરી છે.