રણજી ટ્રોફીમાં ઝારખંડે નાગાલેંડ વિરુદ્ધ એક જ દાવમાં બનાવ્યા 880 રન અને પોતાને નામ કર્યો આ રેકોર્ડ
ઝારખંડે નાગાલેંડ વિરુદ્ધ બનાવ્યા 880 રન
17 વર્ષનાં ખેલાડીએ ફટકારી બેવડી સદી
હૈદરાબાદનાં નામે રણજી ટ્રોફીનો સૌથી મોટો સ્કોરનો રેકોર્ડ
ઝારખંડે નાગાલેંડ વિરુદ્ધ બનાવ્યા 880 રન
રણજી ટ્રોફીનાં ઈતિહાસમાં ઝારખંડ-નાગાલેંડની મેચ ઘણા કારણોથી વિશેષ બની ગઈ છે. ઝારખંડ રણજી ક્રિકેટ ટીમે ઈડન ગાઇડન્સમાં નાગાલેંડ વિરુદ્ધ રમવામાં આવેલ મેચમાં એક જ દાવમાં 880 રન બનાવ્યા. આ રણજી ટ્રોફી ટૂર્નામેન્ટનાં ઈતિહાસમાં ચોટો સૌથી મોટો સ્કોર છે.
ઝારખંડે ટોસ જીતીને પહેલા બેટિંગ કરવાનો નિર્ણય લીધો હતો. ઝારખંડનાં બેટ્સમેનોએ પોતાનાં પહેલા દાવમાં કુલ 880 રન બનાવ્યા. આ સ્કોરમાં એક બેટ્સમેનની બેવડી સદી અન્ય બે પ્લેયરની સદીઓએ પહાડ ઉભો કર્યો હતો.
17 વર્ષનાં ખેલાડીએ ફટકારી બેવડી સદી
ટીમ ઇન્ડિયાનાં ભવિષ્યની જ્યારે વાત આવે છે, તો બધાની નજર રણજી ટ્રોફી પર જ જાય છે. આ એ જગ્યા છે, જ્યાંથી ભારતને ફ્યુચર પ્લેયર્સ મળે છે. આ બધાની વચ્ચે, રણજી ટ્રોફીમાં એક વધુ રેકોર્ડ બ્રેક થતા જોવા મળ્યો છે. છોટા પેકેટ બડા ધમાકા- આ તો તમે સાંભળ્યું જ હશે પરંતુ આજે જોવા પણ મળશે. રણજી ટ્રોફીમાં ઝારખંડની ધરતીથી એક-એક કરીને ઘણા યુવા ક્રિકેટ ખેલાડી ભારતીય ક્રિકેટમાં આવી રહ્યા છે અને આંતરરાષ્ટ્રીય સ્તર પર પોતાની ઓળખાણ બનાવી રહ્યા છે. આ લિસ્ટમાં હવે 17 વર્ષના ખેલાડીનું નામ પણ જોડાઈ ગયું છે તથા તેનો રેકોર્ડ જાણીને તો તમે બધા હેરાન રહી જશો.
The batting blitz continues! 👍 👍
2⃣5⃣0⃣ up for Kumar Kushagra. 👏 👏
Jharkhand move closer to the 650-run mark against Nagaland.
17 વર્ષના યુવા બેટ્સમેને કરી કમાલ
ઝારખંડનાં 17 વર્ષીય યુવા બેટ્સમેન કુમાર કુશાગ્રએ ભારતીય ક્રિકેટમાં સનસની મચાવી છે. કુમાર કુશાગ્રે રણજી ટ્રોફીનાં પ્રી ક્વાર્ટર ફાઈનલમાં નાગાલેંડ વિરુદ્ધ ધમાકેદાર બેવડી સદી ફટકારીને પોતાના નામે મોટી ઉપલબ્ધિ દાખલ કરાવી છે. કુમાર કુશાગ્રએ પ્રિલીમીનરી ક્વાર્ટર ફાઈનલમાં 266 રન બનાવીને ઈતિહાસ રચ્યો છે. તે પ્રથમ શ્રેણી ક્રિકેટમાં સૌથી નાની ઉંમરમાં 250 રનથી વધારે રન બનાવનાર બેટ્સમેન બની ગયા છે. કુશાગ્રએ 269 બોલ્સમાં 266 રન બનાવ્યા છે, જેમાં 37 ચોક્કા અને 2 છક્કા સામેલ છે.
હૈદરાબાદનાં નામે રણજી ટ્રોફીનો સૌથી મોટો સ્કોરનો રેકોર્ડ
હૈદરાબાદ ટીમ પાસે રણજી ટ્રોફીનાં ઈતિહાસમાં સૌથી વધારે સ્કોર બનાવવાનો રેકોર્ડ દાખલ છે. તેમણે 1993-94 માં આંધ્રપ્રદેશ વિરુદ્ધ 944/6 નો સ્કોર બનાવ્યો હતો. આ લિસ્ટમાં બીજા નંબર પર તામિલનાડુનું નામ છે, જેણે 1988-89માં ગોવા વિરુદ્ધ 912 રન બનાવ્યા હતા. જ્યારે ત્રીજા સ્થાન પર મધ્યપ્રદેશ ટીમ છે, જેણે 1945-46માં રણજી ટ્રોફીમાં કન્ર્નાતક વિરુદ્ધ 912 રન બનાવ્યા હતા.