જેતપુરના અમરાપરના હર્ષિતાબેન પોલીસ વિભાગમાં કોન્સ્ટેબલની ફરજ બજાવતા હતા. તો આજે રક્ષાબંધનના દિવસે નાના ભાઈને રાખડી બાંધી ફરજ પર જવા માટે નીકળ્યા હતા, અકસ્માતમાં નિપજ્યું મોત
જેતપુરના ્અમરાપરના મહિલા પોલીસ જવાનનું મોત
રક્ષાબંધનના દિવસે ફરજ પર જતા મહિલા જવાનનું મોત
પૂરપાટે આવતી બાઈકે અડફેટે લેતા અકસ્માતમાં થઈ હતી ગંભીર ઈજા
રક્ષાબંધનનો દિવસ ભાઈ-બહેન માટે યાદગારી હોય છે. જેતપુર તાલુકાના અમરાપર ગામ માટે આજનો દિવસ શોકમાં બદલાઈ ગયો છે. ગામની એક દિકરી, એક બહેન અને પોલીસ વિભાગમાં ફરજ બજાતા હર્ષિતાનું અકસ્માતમાં મોત થતા ઘરનો દિવો બુઝાયો છે. પોતાના નાના ભાઈને રાખડી બાંધી ફરજ બજાવવા જતા એક બહેન અને ભાઈ ક્યારેય પાછા મળશે નહીં. તેવી કલ્પના પણ કોઈને હતી નહીં.
જેતપુરના અમરાપરના હર્ષિતાબેન પોલીસ વિભાગમાં કોન્સ્ટેબલની ફરજ બજાવતા હતા. તો આજે રક્ષાબંધનના દિવસે નાના ભાઈને રાખડી બાંધી ફરજ પર જવા માટે નીકળ્યા હતા. ત્યારે એક્ટિવા પર જતા હર્ષિતાબેનને પૂરપાટે આવતી બાઈકે અડફેટે લેતા ફંગોળાયા હતા. સામેની તરફથી આવતી એક બાઈકે પોલીસ વિભાગના જવાનને અડફેટે લેતા ગંભીર ઈજા પહોંચી હતી. સ્થાનિકોએ તુરંત સારવાર માટે તેમને જેતપુર સિવિલ હોસ્પિટલમાં ખસેડવામાં આવ્યા હતા. પરંતુ હોસ્પિટલમાં તેમણે અંતિમ શ્વાસ લીધા હતા. પરિવારને જાણ થતા દોડી આવ્યા હતા. અને ઘરની દિકરીના જવાથી સમગ્ર ગામ શોકમાં ગરકાવ બન્યું છે. એક ભાઈ માટે આવનારી તમામ રક્ષાબંધન પોતાની બહેનની આ પ્રકારની યાદગીરી આંસૂ લાવી દેશે.