વિવાદ / IND vs AUS : સિડનીમાં ચાલુ મેચે ગુજરાતના આ પ્લેયરને અપાઈ ગંદી ગાળો, મેનેજમેન્ટને કરી ફરિયાદ

• ઓસ્ટ્રેલિયા પ્રવાસ દરમિયાન વધુ એક વિવાદ 
• સિડનીમાં ચાલુ મેચે ગુજરાતના આ પ્લેયરને અપાઈ ગંદી ગાળો
• નોંધાઇ ફરિયાદ 

સિડની ટેસ્ટના ત્રીજા દિવસે બુમરાહ અને સિરાજે ભારતીય ટીમ મેનેજમેન્ટને આ જાતીય ટિપ્પણીની ફરિયાદ કરી છે. અહેવાલો પ્રમાણે સિડની ક્રિકેટ ગ્રાઉન્ડમાં બેઠેલા કેટલાક દર્શકોએ આ બંન્ને ખેલાડીઓને ખરાબ ગાળો આપી હતી અને જાતીય ટિપ્પણી કરી હતી. ભારતીય ટીમ મેનેજમેન્ટે મેચ રેફરી પાસે તેની સત્તાવાર રીતે ફરિયાદ નોંધાવી હતી.  

જસપ્રીત બુમરાહ અને મોહમ્મદ સિરાજ પણ હાજર

ઓસ્ટ્રેલિયન અખબાર ડેઇલી ટેલિગ્રાફ અનુસાર, ત્રીજા દિવસની રમત સમાપ્ત થયા બાદ ટીમ ઈન્ડિયાના અધિકારીઓ ભારતીય ડ્રેસિંગ રૂમની બહાર આઇસીસી અને સ્ટેડિયમ સુરક્ષા અધિકારીઓ સાથે વાતચીત કરતા જોવા મળ્યા હતા. આ વાતચીત દરમિયાન જસપ્રીત બુમરાહ અને મોહમ્મદ સિરાજ પણ હાજર હતા.

મોહમ્મદ સિરાઝ ભાવૂક થયાં હોવાનો વીડિયો થયો હતો વાયરલ 

ટીમ ઇન્ડિયાના ફાસ્ટ બૉલર મોહમ્મદ સિરાઝ ઓસ્ટ્રેલિયા વિરુદ્ધ સિડની ક્રિકેટ ગ્રાઉન્ડ પર રમાઇ રહેલી ત્રીજી ટેસ્ટ મૅચ દરમિયાન રાષ્ટ્રગાન સમયે ઇમોશનલ થઇ ગયા હતા.મોહમ્મદ સિરાઝ પોતાની ભાવનાઓ પર કાબૂ ન રાખી શક્યા અને તેમના આંસુ નીકળી ગયા. ક્રિકેટ ઓસ્ટ્રેલિયાની વૅબસાઇટ Cricket.com.auએ મોહમ્મદ સિરાઝનો આ વીડિયો પોતાના ટ્વિટર હેન્ડલ પર શૅર કર્યો હતો. 

✊ #AUSvIND pic.twitter.com/4NK95mVYLN

— cricket.com.au (@cricketcomau) January 6, 2021

ઓસ્ટ્રેલિયાના પ્રવાસ દરમિયા સતત થઇ રહ્યો છે વિવાદ 

આપને જણાવી દઇએ કે, ઓસ્ટ્રેલિયાના પ્રવાસ દરમિયાન સતત વિવાદ જોવા મળી રહ્યો છે. ટેસ્ટમાં ભારતીય જીત બાદ ટીમ ઇન્ડિયાના કેટલાક ખેલાડીઓ પ્રોટોકોલ તોડવાનો આરોપ લાગ્યો હતો. આ મામલે રોહિત શર્મા, શુભમન ગિલ સહિત 5 ખેલાડીઓ પર સવાલ કર્યા છે. ત્યારબાદ બ્રિસબેન ક્વોરન્ટાઇનના નિયમોને લઇને વિવાદ થયો હતો.