જસદણ બેઠક પર મહાજંગ: ભાજપે જમ્બો ટીમની કરી જાહેરાત કોંગ્રેસ પણ બાવળિયાને હરાવવા મેદાને

ગાંધીનગરઃ જસદણની પેટા ચૂંટણી માટે ભાજપે એડીચોટીનું જોર લગાવાનું શરૂ કર્યું છે. ભાજપે એક બેઠક માટે જમ્બો ટીમની રચના કરી છે. જેમાં મોહન કુંડારિયા હીરા સોલંકી સહિત 8 લોકોની ટીમ બનાવાઈ છે. જયંતિ કવાડિયા કિરીટસિંહ રાણા બાબુ જેબલિયા ગોવિંદ પટેલ આર.સી.મકવાણા નીતિન ભારદ્વાજ રમેશ મગર અમોહ શાહને જવાબદારી અપાઈ છે. જયંતિ ઢોલ ભરત બોધરા પ્રકાશ સોની જમ્બો ટીમમાં સામેલ થયા છે. 

કોંગ્રેસમાંથી ભાજપમાં આવેલા કુંવરજી બાવળીયાને હરાવવા કોંગ્રેસ પણ એડીચોટીનું જોર લગાવશે. તેવા અંદેશાથી ભાજપ કોઈ કસર છોડવા માગતી નથી અને તેમની પાર્ટીમાં આવેલા કુવરજીને વિજયી બનાવવાના પ્રયાસ શરૂ કર્યા છે.

મહત્વનું છે કે વિધાનસભાની બેઠકના ધારાસભ્ય કુંવરજી બાવળીયાએ કોંગ્રેસમાંથી રાજીનામુ આપતા ખાલી પડેલી બેઠક માટે જસદણ પેટા ચૂંટણી યોજાવાની છે. ત્યારે રાજ્ય ચૂંટણીપંચ અને ભાજપ દ્વારા ચૂંટણીની તૈયારીનો ધમધમાટ શરૂ કરી દીધો છે. ચૂંટણી પંચ દ્વારા પેટા ચૂંટણી માટે ભાવનગર જિલ્લામાંથી ઇવીએમ વીવીપેટ સહિતની સામગ્રી મંગાવવાની કાર્યવાહી હાથ ધરાઇ છે.