દુનિયામાં એક એવું પણ ગામ જ્યાં માણસોની સંખ્યા માત્ર 27 છે. ગામની બીજી એક વાત હેરાન કરી દે એવી છે કે અહીંયા એક પણ બાળક નથી. આ ગામના દરેક લોકો વૃદ્ધ છે.
દુનિયામાં એક એવું પણ ગામ છે, જ્યાં માણસોની સંખ્યા માત્ર 27 છે. હેરાનીની વાત એ છે કે આ ગામમાં પુતળાઓની સંખ્યા 270 છે. આ હિસાબથી આપણે આ ગામને પુતળાઓનું ગામ કહીએ તો કોઇ આશ્વર્ય થશે નહીં. આ ગામના લોકોનો ટાઇમ પાસ કરવાની રીત પણ અલગ છે.
આ ગામ પશ્વિમ જાપાનના શિકોકૂ ટાપુ પર વસેલું છે. જેનું નામ છે નાગોરો ગામ. આ ગામની બીજી એક વાત હેરાન કરી દે એવી છે કે અહીંયા એક પણ બાળક નથી.
આ ગામમાં 16 વર્ષ પહેલા પુતળાઓની બનાવવાની શરૂઆત થઇ હતી. 69 વર્ષીય સુકિમી આયનો નામની મહિલા અહીંયા માણસ જેટલા મોટા પુતળા બનાવે છે. સુકિમીએ સૌથી પહેલા જે પુતળું બનાવ્યું હતું, એને પોતાના પિતાના કપડાં પહેરાવ્યા હતા.
શરૂઆતમાં આ પુતળાને બગીચાના છોડને પશુ પક્ષીઓથી બચાવવા માટે ઉપયોગ કરવામાં આવતો હતો, પરંતુ હવે આ ગામ લોકોના ટાઇમ પાસ કરવાનો રસ્તો બની ગયો છે. આ ગામની દરેક ગલીઓ ચાર રસ્તા અને ઘરની બહાર પુતળા રાખેલા તમને જોવા મળશે.
આ ગામના દરેક લોકો વૃદ્ધ છે. અહીંયા સૌથી નાની ઉંમરનો જે વ્યક્તિ છે એની ઉંમર 55 વર્ષ છે. વાસ્તવમાં છેલ્લા કેટલાક વર્ષમાં જાપાનની જનસંખ્યામાં ખૂબ જ ઘટાડો થયો છે.