જાપાનની યોજના પૃથ્વી પરથી એક બુલેટ ટ્રેન દોડાવવાની છે, જે ચંદ્ર સુધી જશે. તે એક આંતરગ્રહીય પરિવહન પ્રણાલી હશે, જે હેક્ઝાટ્રેક તરીકે ઓળખાય છે.
જાપાનની પૃથ્વીથી ચંદ્ર સુધી બુલેટ ટ્રેન ચલાવાની યોજના
મંગળ ગ્રહ પર કાચના રહેઠાણ બનાવવાની પણ યોજના
2050 સુધીમાં, પ્રોટોટાઇપ તૈયાર થઈ જશે
જાપાન પોતાની ટેક્નોલોજીથી કંઇક એવું કરવા જઇ રહ્યું છે જેની ઘણા દેશોએ કલ્પના પણ નહીં કરી હોય. જાપાન પૃથ્વી પરથી બુલેટ ટ્રેન ચલાવવાની યોજના છે જે ચંદ્ર પર જશે. એટલું જ નહીં જાપાન આ કામમાં સફળતા મળ્યા બાદ મંગળ ગ્રહ પર ટ્રેન લઇ જવાનું વિચારી રહ્યું છે.
જાપાન તમામ દેશોને પાછળ છોડી દેશે
નોંધનીય બાબત એ છે કે અમેરિકા ફરી ચંદ્ર પર જઈ રહ્યું છે ત્યારે ચીન મંગળ પર જીવન શોધી રહ્યું છે. આ સાથે જ રશિયા ચીન સાથે ચંદ્ર પર સંયુક્ત મિશનની પણ યોજના બનાવી રહ્યું છે. આવી સ્થિતિમાં જાપાને પોતાની બુલેટ ટ્રેનને ચંદ્ર પર લઈ જવાની યોજના બનાવી છે.
કાચનું રહેઠાણ બનાવવાની યોજના
રિપોર્ટમાં જણાવ્યા અનુસાર જાપાન મંગળ ગ્રહ પર કાચના રહેઠાણ બનાવવાની પણ યોજના બનાવી રહ્યું છે. કાચના રહેઠાણનો અર્થ એ છે કે મનુષ્ય એક કૃત્રિમ અવકાશ નિવાસસ્થાનમાં રહેશે, જેનું વાતાવરણ પૃથ્વી જેવું બનાવવામાં આવશે. સામાન્ય રીતે, નીચા ગુરુત્વાકર્ષણવાળા સ્થળોએ સ્નાયુઓ અને હાડકાં નબળા થઈ જાય છે. એટલે કૃત્રિમ જગ્યાનું રહેઠાણ એવી રીતે તૈયાર કરવામાં આવશે કે ત્યાં એટલી બધી ગુરુત્વાકર્ષણ અને એવું વાતાવરણ હોય કે માનવીના સ્નાયુઓ અને હાડકાં નબળાં ન પડે.
બીજા ગ્રહ પર ક્યાં સુધી રહેવું શક્ય બનશે?
જો જાપાન આ યોજનામાં સફળ થાય છે, તો મનુષ્ય માટે બીજા ગ્રહ પર રહેવાનો વિકલ્પ ખુલશે. તમને જણાવી દઈએ કે કાચના રહેઠાણની બહારનું જીવન લોકો માટે મુશ્કેલ હશે. તેમાંથી બહાર નીકળવા માટે લોકોએ સ્પેસસૂટ પણ પહેરવા પડશે. મંગળ પર જીવન જીવવાની કલ્પના કરવી એ હજી પણ એક મુશ્કેલ પ્રશ્ન છે. વૈજ્ઞાનિકોના મતે 21મી સદીના ઉત્તરાર્ધમાં મનુષ્ય ચંદ્ર અને મંગળ પર રહી શકશે. 2050 સુધીમાં, પ્રોટોટાઇપ તૈયાર થઈ જશે અને અંતિમ સંસ્કરણ બનાવવામાં લગભગ એક સદીનો સમય લાગી શકે છે.
બુલેટ ટ્રેનનું આયોજન
ક્યોટો યુનિવર્સિટી અને કાઝીમા કન્સ્ટ્રક્શન્સ સ્પેસ એક્સપ્રેસ નામની બુલેટ ટ્રેનમાં સાથે કામ કરવા જઈ રહ્યા છે. આ ટ્રેન પૃથ્વીથી ચંદ્ર અને મંગળ સુધી દોડશે. તે એક આંતરગ્રહીય પરિવહન પ્રણાલી હશે, જે હેક્ઝાટ્રેક તરીકે ઓળખાય છે.