જનમત એક્સપ્રેસ / ભાજપ કોંગ્રેસ અને AAPની જંગમાં જૂનાગઢની જનતા વચ્ચે કયા પક્ષનો વધુ પ્રભાવ? લોકોનો મત જાણી આ પાર્ટીના છૂટશે પરસેવા

• જૂનાગઢમાં જનમત માટે જનતાના દ્વારે પહોંચ્યું VTV 
• ક્યાંક ઉમેદવારોને લઈ નારાજગી તો ક્યાંક ખુશી 
• કેશોદમાં જાણો જનતાનો મિજાજ

વીટીવીની જનમત એક્સપ્રેસ આજે સંતસૂરા અને સાવજની ભૂમિ એવા ગઢ ગિરનારની ગોદમાં વસેલા જૂનાગઢ ખાતે પહોંચી ગઈ છે. પોરબંદરથી આવતા સૌથી પહેલા જૂનાગઢના માંગરોળ વિધાનસભામાં પ્રવેશી હતી. કેશોદ તરફ જતાં રસ્તામાં માલધારી મળ્યા હતા તો ત્યાં ગાડી રોકી તેમનો મત જાણવાનો પ્રયાસ કર્યો હતો. અંતે જનમત એક્સપ્રેસ પશુપાલન અને ગૌસંવર્ધ મંત્રી દેવા માલમના મત ક્ષેત્ર એટલે કે, કેશોદમાં પહોંચી ગઈ હતી. કેશોદ વર્ષોથી ભાજપનો ગઢ છે ત્યારે મંત્રીજીના મત વિસ્તારમાં ચૂંટણીને લઈને લોકોનો મત જાણવાનો પ્રયાસ કર્યો હતો. શહેરમાંથી આગળ વધીએ તે પહેલા જ અન્ય કેટલાસ સ્થાનિકો મળ્યા. જેથી સ્થાનિક પ્રશ્નો જાણવાનો પ્રયાસ કર્યો હતો. કેશોદથી આગળ વધતા માણાવદર વિધાનસભા મતવિસ્તારના કાઠાડા નેસ પહોંચ્યાં અને ત્યાં વિકાસની વાત તો દૂર પરંતુ જંગલમાં વસતા લોકોને મળેલ આદિવાસીનો દરજ્જો પણ છિનવી લેવાયાની વાત સામે આવી હતી, જુઓ અમારી જનમત એકપ્રેસ...
 

ગીરના જંગલ વિસ્તારમાં લોકોની સ્થિતિ જાણ્યા બાદ અંતે ગઢ ગિરનારની ગોદમાં વસેલા જૂનાગઢ ખાતે જનમત એક્સપ્રેસ પહોંચી હતી અને રસ્તામાં જ કેટલાક સ્થાનિકો પાસેથી ચૂંટણી મુદ્દે તેમનો મત જાણ્યો હતો. આગળ વધતા અમે સૌથી જુના અને શહેરની વચ્ચો વચ્ચ આવેલા નરસિંગ મહેતા તળાવ પાસે પહોંચ્યાં. જ્યાં પણ કેટલાક નગરજનો મળ્યા હતા જેથી ચૂંટણીને લઈને તેમનો જનમત જાણવાનો પ્રયાસ કર્યો હતો નરસૈયાની ભૂમિના લોકોનો મત જાણ્યો હતો અંતરિયાળ વિસ્તારના લોકોનો મત જાણ્યો હતો અને જ્યાં ક્યાંક નારાજગી તો ક્યાંક કોઈ નેતા તરફ લોકોનું આકર્ષણ વધતું જોવા મળ્યું હતું