જમ્મુ કાશ્મીર / શિવખોડી ગુફા નજીક ભૂસ્ખલન: મોટા પથ્થર પડતા બે શ્રદ્ધાળુઓના મોત, એક ઘાયલ

• જમ્મુ કાશ્મીરમાં શિવખોડી ગુફા નજીક ભૂસ્ખલન
• મોટા પથ્થર પડતા બે શ્રદ્ધાળુઓના મોત
• એક શ્રદ્ધાળુ ઘાયલ થતાં હોસ્પિટલ લઈ જવાયો

જમ્મુ કાશ્મીરના રનસૂ વિસ્તારમાં આવેલી શિવખોડી ગુફા પાસે સોમવારે સાંજે ભૂસ્ખલન થયું છે. જેને લઈને બે શ્રદ્ધાળુઓના મોત થઈ ગયા છે. જ્યારે એક શ્રદ્ધાળુ ઘાયલ થયા છે. બંને મૃતકોની ઓળખાણ કરી લેવામા આવી છે. એક તીર્થયાત્રી ઉત્તર પ્રદેશનો રહેવાસી હતો, જ્યારે બીજો જમ્મુ કાશ્મીરના રાજૌરી જિલ્લાનો રહેવાસી હતો. રિયાસી જિલ્લાના બબીલા રકવાલે જણાવ્યું હતું કે, પારંપરિક ગુફા પાસે બંને શ્રદ્ધાળુઓ એક પથ્થરની ચપેટમાં આવી ગયા હતા. 

મીડિયા રિપોર્ટ્સમાં જણાવ્યા અનુસાર 17 વર્ષિય નિર્મલ રાજૌરી જિલ્લાના ગંદોહ ખ્વાસ ગામનો રહેવાસી હતો, તો વળી બીજો મૃતક 45 વર્ષિય શ્રવણ સિંગાર ગોરખપુર જિલ્લાનો રહેવાસી હતો. શ્રવણ થોડા સમયથી કટરામાં રહેતો હતો. તો વળી જે શ્રદ્ધાળુઓ ઘાયલ થયા છે, તેમની ઓળખાણ સાહિબ સિંગાર તરીકે થઈ છે. તે પણ ગોરખપુરનો જ રહેવાસી હતો, જેની હોસ્પિટલમાં સારવાર ચાલી રહી છે. 

મીડિયા રિપોર્ટમા જણાવ્યા અનુસાર જમ્મુ સંભાગના રિયાસી સ્થિત ભગવાન શિવના આધાર રનસૂનું ખૂબ મહત્વ છે. શ્રી શિવખોડી ધામમાં ભગવાન શિવના ભસ્માશુરનો વધ કર્યો હતો. શિવખોડીની પ્રાકૃતિક ગુફા સંગડની પહાડીઓમાં આવેલ છે. ગુફાની અંદર લગભગ ત્રણ ફુટનો પ્રાકૃતિક શિવલિંગ છે. જેની પૂજા થાય છે. જૂની ગુફાની અંદર જવાનો રસ્તો ખૂબ જ સાંકળો છે.