જમ્મુ-કશ્મીર / અમરનાથ યાત્રાને લઈને સુરક્ષા વ્યવસ્થાની જમ્મુ કાશ્મીરનાં ઉપરાજ્યપાલ મનોજ સિંહાએ કરી સમીક્ષા, પ્રાથમિક જરૂરિયાતો પર અપાશે ધ્યાન

• જમ્મુ અને કશ્મીરના LGએ અમરનાથ યાત્રા માટે કરી સમીક્ષા બેઠક
• બેઠકમાં મુખ્ય સચિવ તેમજ ગૃહ વિભાગ, પોલીસ, આર્મી,અધિકારીઓએ લીધો ભાગ
• અમરનાથ યાત્રા સંબંધિત વિવિધ વ્યવસ્થાઓ અંગે ઊંડાણપૂર્વક ચર્ચા કરાઈ 

 એક સત્તાવાર પ્રવક્તાએ જણાવ્યું કે ઈન્ટિગ્રેટેડ કમાન્ડની બેઠકમાં મુખ્ય સચિવ તેમજ ગૃહ વિભાગ, જમ્મુ અને કાશ્મીર પોલીસ, આર્મી, સેન્ટ્રલ રિઝર્વ પોલીસ ફોર્સ (CRPF), બોર્ડર સિક્યુરિટી ફોર્સ (BSF) અને ગુપ્તચર વિભાગ એજન્સીઓના વરિષ્ઠ અધિકારીઓએ ભાગ લીધો હતો.  
 

Jammu & Kashmir LG, Manoj Sinha reviewed the security arrangements & preparations for Shri Amarnath Ji Yatra at Unified Command Meeting in Srinagar today. The meeting was attended by Chief Secy & senior security officers from the Home Dept, J&K Police, Army & others.

(File pic) pic.twitter.com/29kvh1ducd

— ANI (@ANI) June 23, 2022

સમીક્ષા બેઠકમાં આ પ્રકારની વ્યવસ્થા કરવામાં આવી 

અધિકારીઓએ સિન્હાને સમગ્ર સુરક્ષાની સ્થિતિ વિશે માહિતગાર કર્યા હતાં. જ્યારે અમરનાથ યાત્રા સંબંધિત વિવિધ વ્યવસ્થાઓ અંગે ઊંડાણપૂર્વક ચર્ચા કરવામાં આવી હતી. અધિકારીએ જણાવ્યું હતું કે સિંહાએ ટેલિકોમ કનેક્ટિવિટી, આરોગ્ય સંભાળ, અગ્નિ સંરક્ષણ, વીજળી અને પાણી પુરવઠો, હવામાનની આગાહી, સ્વચ્છતા, રહેવાની વ્યવસ્થા, લંગર વ્યવસ્થાપન અને આપત્તિ વ્યવસ્થાપન માટેની વિગતવાર યોજનાઓની સમીક્ષા કરી હતી.અધિકારીએ જણાવ્યું હતું કે સિન્હાએ સુરક્ષા વ્યવસ્થા સહિત તમામ મૂળભૂત જરૂરિયાતો માટેની વિગતવાર યોજનાઓની પણ સમીક્ષા કરી હતી, જે જમ્મુ અને કાશ્મીર પોલીસ દ્વારા આર્મી અને સેન્ટ્રલ આર્મ્ડ પોલીસ ફોર્સ દ્વારા તમામ યાત્રાળુઓ માટે તૈયાર કરવામાં આવી છે.

સુરક્ષાનો ચુસ્ત બંદોબસ્ત કરવામાં આવ્યો છે. 

તમને જણાવી દઈએ કે, આ પહેલા અધિકારીઓએ 270 કિલોમીટર લાંબા જમ્મુ-શ્રીનગર નેશનલ હાઈવે પર શ્રદ્ધાળુઓની સુરક્ષા અને અન્ય વ્યવસ્થાઓની સમીક્ષા કરી હતી. જમ્મુના ડિવિઝનલ કમિશનર રમેશ કુમાર અને અધિક પોલીસ મહાનિર્દેશક મુકેશ સિંહે જમ્મુથી બનિહાલ સુધી 20 સુરક્ષા વાહનોના કાફલાનું નેતૃત્વ કર્યું હતું. અધિકારીના જણાવ્યા અનુસાર આ કવાયત યાત્રાની સુરક્ષા માટે કરવામાં આવી હતી.