જમ્મૂ-કાશ્મીરના યુવાનોએ આતંકવાદ અને આતંકવાદના આકા પાકિસ્તાનને મોટો તમાચો માર્યો છે. કશ્મીરના 575 યુવાનોએ જમ્મૂ-કાશ્મીર લાઇટ ઇન્ફ્રેંન્ટ્રીમાં જોઇન કરી છે. પાસિંગ આઉટ પરેડ બાદ તેઓ ભારતીય સેનાનો ભાગ બન્યા છે.
જમ્મૂ-કાશ્મીરમાં આ પાસિંગ આઉટ પરેડ દરમિયાન કાશ્મીરી યુવાનોના માતા-પિતા પણ હાજર રહ્યાં હતા. JKLIRમાં સામેલ થયા બાદ જવાન વસીમ અહમદ મીરે કહ્યું કે, હું ખુબ ખુશ છું. મારા પિતા પણ સેનામાં હતા અને તેમની વર્દીએ જ મને સેનામાં સામેલ થવા માટે પ્રેરિત કર્યો છે.
ઉલ્લેખનીય છે કે હવે જમ્મૂ-કાશ્મીરની પરિસ્થિતિ બદલાઇ રહી છે. જમ્મૂ-કાશ્મીરના યુવાઓના વિચારો બદલાઇ રહ્યાં છે. એક સાથે આટલી મોટીસંખ્યામાં કાશ્મીરી યુવાનો સેનામાં સામેલ થતાં પાકિસ્તાન અને આતંકવાદીઓને સણસણતો જવાબ આપ્યો છે.
જમ્મૂ-કાશ્મીરમાં પાકિસ્તાન દ્વારા હિંસાને પ્રોત્સાહન આપવાના કાર્યને રાજ્યના યુવાઓએ લપડાક મારી છે. જમ્મૂ-કાશ્મીરના 575 યુવાઓ ભારતીય સેનામાં જોડાયા છે. આમ કેન્દ્રની મોદી સરકાર દ્વારા જમ્મૂ-કાશ્મીરમાંથી 370 કલમ હટાવ્યા બાદ સ્થિતિ બદલાઇ રહી છે.
Waseem Ahmad Mir, a resident of SRINAGAR on joining Army: I'm very happy, my parents are feeling proud. We get to learn a lot in the Army, both physically & mentally. My father was in Army too, his uniform inspired me to join the forces. #JammuAndKashmirhttps://t.co/uvrsDKI0WTpic.twitter.com/F0R51op85h
કલમ 370 હટાવ્યા બાદ જમ્મૂ-કાશ્મીરમાં ધીરે-ધીરે જનજીવન સામાન્ય થઇ રહ્યું છે. જમ્મૂ-કાશ્મીરમાંથી 370 હટાવ્યા બાદ પાકિસ્તાન દ્વારા વિશ્વ સમક્ષ સમર્થન માટે અપીલ કરવામાં આવી હતી જો કે તેમાં પાકિસ્તાન સફળ રહ્યું નહોતું. જમ્મૂ-કાશ્મીર ભારતનો આંતરિક મામલો હોવાનું વિશ્વના દેશોએ જણાવ્યું.