અકસ્માત / જમ્મુ કાશ્મીરમાં ભયાનક અકસ્માત, રાજૌરીમાં બસ ખીણમાં પડી, 4 લોકોના મોત

• જમ્મુ-કાશ્મીરના રાજૌરીમાં બસ ખાઈમાં પડી
• આ અકસ્માતમાં 4 લોકોના મોત થયા હતા
• બસમાં કુલ 25 સવાર લોકો હતા

જમ્મુ-કાશ્મીરના રાજૌરીમાં ગુરુવારે એક બસ ઊંડી ખાઈમાં પડી ગઈ હતી. રાજૌરી જિલ્લાના ભિમ્બર ગલી પાસે આજે સવારે અનેક મુસાફરોને લઈ જઈ રહેલી બસ ઊંડી ખાઈમાં પડી જતાં ચાર લોકોનાં મોત થયાં હતાં. આ માહિતી માંજાકોટ તહસીલદાર જાવેદ ચૌધરીએ આપી હતી. આ અકસ્માત બાદ ચારે બાજુ અફરાતફરી મચી ગઇ હતી.

સ્થાનિક પોલીસે આપી જાણકારી
જણાવવામાં આવી રહ્યું છે કે આ અકસ્માતમાં બસમાં સવાર ઓછામાં ઓછા 25 લોકો ઘાયલ થયા છે, જેમને સારવાર માટે હોસ્પિટલમાં દાખલ કરવામાં આવ્યા છે. હાલ તો પોલીસ મૃતદેહોનો કબજો લઈને તેમની ઓળખ કરવામાં લાગી છે અને લાશને પોસ્ટ મોર્ટમ માટે મોકલી આપવામાં આવી છે. ન્યૂઝ એજન્સીએ બસ અકસ્માતની કેટલીક તસવીરો જાહેર કરી છે, જેમાં જોઈ શકાય છે કે અકસ્માત કેટલો ભયાનક છે.

Jammu & Kashmir | Four people died after a bus carrying several passengers fell into a deep gorge near Bhimber Gali in Rajouri district today morning: Manjakote Tehsildar Javed Choudhary pic.twitter.com/ZuEOUJrcLe

— ANI (@ANI) September 15, 2022

મનોજ સિન્હાએ દુખ વ્યક્ત કર્યું 
જમ્મુ-કાશ્મીરના ઉપરાજ્યપાલ મનોજ સિન્હાએ આ નુકસાન પર દુઃખ વ્યક્ત કર્યું છે. એલજીની ઓફિસ તરફથી જારી કરવામાં આવેલા નિવેદનમાં મનોજ સિન્હાએ કહ્યું કે, "રાજૌરીમાં થયેલા ગમખ્વાર અકસ્માતમાં જીવ ગુમાવવાથી દુઃખ થયું છે. દુઃખની આ ઘડીમાં મારી સંવેદનાઓ શોકગ્રસ્ત પરિવારો સાથે છે. ભગવાન ઇજાગ્રસ્તોને શક્ય તેટલી વહેલી તકે સાજા કરે. જિલ્લા વહીવટીતંત્ર તમામ શક્ય સહાય પૂરી પાડી રહ્યું છે.