- સ્લોવાકિયાના પ્રવાસે છે એસ.જયશંકર
- વિદેશ મંત્રીએ યુરોપિય દેશોની પોલ ખોલી
- વિદેશ મંત્રી જયશંકરે રોકડુ પરખાવી દીધું
યુક્રેન જંગ વચ્ચે યુરોપ પ્રવાસ પર સ્લોવાકિયા પહોંચેલા ભારતીય વિદેશ મંત્રી એસ.જયશંકરે રશિયા પાસેથી ઓયલ અને ઘઉંની નિકાસ પર બેન લગાવાને લઈને થઈ રહેલા દુષ્પ્રચાર પર યુરોપને ખરીખોટી સંભળાવી દીધી હતી. જયશંકરે રશિયા પાસેથી ગેસની આયાત કરી રહેલા યુરોપિય દેશોની પોલ ખોલતા એક સવાલના જવાબમાં કહ્યું કે, શું રશિયા પાસેથી ગેસ ખરીદવું યુદ્ધ માટે પૈસા આપવા જેવું છે. તેમણે સવાલ કર્યો હતો કે, આ ફક્ત ભારતીય રૂપિયા છે, જે યુદ્ધને ફંડ કરી રહ્યા છે, યુરોપને મળી રહેલા ગેસ યુદ્ધને પ્રોત્સાહન નથી આપતા ? તેમણે કહ્યું કે, ભારતને ચીનની સાથે ખૂબ જ તણાવભર્યા સંબંધો છે, પણ યુરોપે તેના પર મૌન ધારણ કરી લીધું છે.
વિદેશ મંત્રી જયશંકરે રોકડુ પરખાવી દીધું
ઘઉંની નિકાસ પર લાગેલા પ્રતિબંધને લઈને થઈ રહેલા દુષ્પ્રતાર પર ભારતીય વિદેશ મંત્રી જયશંકરે જણાવ્યું હતું કે, ભારતે આ વર્ષે અત્યાર સુધીમાં 23 દેશોને ઘઉંની નિકાસ કરી છે. જયશંકરે સવાલ કર્યો કે, શા માટે અમેરિકા, યુરોપિય દેશના તેલ બજાર નથી આવવા દેતા ? તે શા માટે વેનેઝુએલાની બજારમાં પોતાનું ઓયલ વેચવા દેતા નથી ? તેમણે કહ્યું કે, અમેરિકા અને યુરોપે અમારી પાસે ઓયલના જે પણ સ્ત્રોત છે, તેને નિચોડી લીધા છે અને હવે કહી રહ્યા છે કે, ઠીક છે મિત્રો બજાર નથી આવતા અને અમારી પાસે બજારની સૌથી મોટી ડીલ છે. હું નથી માનતો કે આ યોગ્ય વલણ છે.
ભારત અને ચીન તણાવ પર યુરોપે મૌન ધારણ કરી લીધું
વિદેશ મંત્રીએ કહ્યું કે, યુરોપે એશિયાની સમસ્યા પર મૌન ધારણ કરી રાખ્યું છે. ભારત અને ચીનના સંબંધો ખરાબ સમયમાંથી પસાર થઈ રહ્યા છે, પણ યુરોપે કંઈ નથી કહ્યું. યુરોપનો વિકાસ એવી રીતે થયો છે કે, યુરોપની સમસ્યા દુનિયાની સમસ્યા છે. પણ દુનિયા સમસ્યા યુરોપ પોતાની સમસ્યા માનતું નથી. તેમણે કહ્યું કે, યુરોપની બહાર ઘણી બધું વસ્તુઓ થઈ રહી છે. દુનિયા બદલાઈ રહી છે. નવા ખેલાડીઓ આવી રહ્યા છે. દુનિયા યુરો કેન્દ્રીત રહી શકે નહીં. જયશંકરે કહ્યું કે અમારા ચીન સાથે ખરાબ સંબંધો છે. પણ અમે તેને સંભાળવામાં એકદમ સક્ષમ છીએ.
