રાજસ્થાનના જયપુરમાં 10 હજારથી વધારે બાળકો કોરોના પોઝિટિવ આવ્યા છે.
60,000 થી વધારે લોકો 2 મહિનામાં કોરોનાગ્રસ્ત થયા
એપ્રિલ અને મેમાં 1જ વર્ષથી સાડા 3 હજારથી વધારે બાળકો પોઝિટિવ આવ્યા
જયપુરમાં 11થી 20 વર્ષ સુધીના 10 હજાર 22 કિશોર કોરોનાગ્રસ્ત
એપ્રિલ અને મેમાં 1જ વર્ષથી સાડા 3 હજારથી વધારે બાળકો પોઝિટિવ આવ્યા
મેડિકલ એક્સપર્ટ્સે કોરોનાની ત્રીજી લહેરમાં બાળકોના સંક્રમિત થવાની આશંકા વ્યક્ત કરી હતી. ત્યારે મોટી સંખ્યામાં બાળકો સંક્રમિત મળી રહ્યા છે તેને જોતા સવાલ થઈ રહ્યો છે કે શું કોરોનાની ત્રીજી લહેર આવી ગઈ છે. હાલમાં રાજસ્થનમાં એપ્રિલથી મે મહિનામાં મોટી સંખ્યામાં બાળકો કોરોના પોઝિટિવ થયા છે. રાજ્યના બીજા જિલ્લાની જેમ જયપુરમાં પણ આંકડા ચોંકાવનારા છે. એપ્રિલ અને મેમાં 1જ વર્ષથી સાડા 3 હજારથી વધારે બાળકો પોઝિટિવ આવ્યા છે. ત્યારે 11 થી 20 વર્ષના 10 હજારથી વધારે બાળકો કોરોનાગ્રસ્ત થઈ ચૂક્યા છે. આનાથી અંદાજ લગાવી શકાય છે કે રાજ્યભરમાં કેટલી સંખ્યા હશે.
જયપુરમાં 11થી 20 વર્ષ સુધીના 10 હજાર 22 કિશોર કોરોનાગ્રસ્ત
રાજસ્થાનમાં ત્રીજીની જગ્યાએ બીજી લહેરમાં બાળકો કોરોનાગ્રસ્ત થઈ રહ્યા છે. સ્વાસ્થ્ય વિભાગના આંકડા અનુસાર એપ્રિલ અને મેમાં જયપુરમાં 10 વર્ષ સુધીના 3 હજાર 589 અને 11થી 20 વર્ષ સુધીના 10 હજાર 22 કિશોર કોરોના ગ્રસ્ત થઈ ચૂક્યા છે.
આંકડા પર એક નજર
એપ્રિલમાં 0 થી10 વર્ષના કુલ 1672 બાળકો કોરોના પોઝિટિવ થયા
એપ્રિલમાં 11 થી20 વર્ષના કુલ 4681 બાળકો કોરોના પોઝિટિવ થયા
1થી 23 મે સુધી 0 થી10 વર્ષના કુલ 1917 બાળકો કોરોના પોઝિટિવ થયા
1થી 23 મે સુધી 11 થી20 વર્ષના કુલ 5341 કિશોરો કોરોના પોઝિટિવ થયા
60,000 થી વધારે લોકો 2 મહિનામાં કોરોનાગ્રસ્ત થયા
જયપુરમાં 21થી લઈને 40 વર્ષ સુધીના લોકો પર કોરોનાનું સંકટ સૌથી વધારે જોવા મળ્યુ. આ ઉમંરના 60,000 થી વધારે આ 2 મહિનામાં સંક્રમિત થયા છે. પરંતુ મોટી સંખ્યામાં બાળકો કોરોના પોઝિટિવ આવતા ચિંતા વધી છે. આ વર્ષે જાન્યુઆરી, ફેબ્રુઆરી અને માર્ચમાં જયપુરમાં 20 વર્ષ સુધીમાં માત્ર 431 બાળકો પોઝિટિવ આવ્યા હતા.
સાવધાનીની જરુર
જયપુરના સીએમએચઓ ડો. નરોત્તમ શર્માએ કહ્યુ છે કે એપ્રિલ અને મેમાં કોરોનાની બીજી લહેર જોવા મળી છે. મોટી સંખ્યામાં લોકો પોઝિટિવ થયા છે. આ દરમિયાન કોરોના ગાઈડલાઈન્સનું પાલન પણ સંપૂર્ણ રીતે નથી થયુ. આ કારણે બાળકો કોરોના સંક્રમિત થઈ ગયા. તેવામાં બાળકોએને આ કહેરથી બચાવવા માટે સાવધાની વર્તવાની જરુર છે.