નમસ્તે ટ્રમ્પ / ટ્રમ્પ ભારત આવી રહ્યા છે ત્યારે પ્રથમ વખત બની રહી છે આ ઘટના

• ભારત આવશે ડોનાલ્ડ ટ્રમ્પ 
• પ્રથમ વખત કરી રહ્યા છે સહપરિવાર પ્રવાસ 
• અમદાવાદમાં તડામાર તૈયારીઓ 

ઉલ્લેખનીય છે કે, જગત જમાદાર ડોનાલ્ડ ટ્રમ્પ અમદાવાદ આવી રહ્યા છે તેને લઇને રાજ્ય સરકાર દ્વારા તડામાર તૈયારીઓ કરવામાં આવી રહી છે. ત્યારે તેમની આ મુલાકાત દરમિયાન તેઓ પત્ની મેલેનિયા, દીકરી ઈવાન્કા અને જમાઈ જેરેડ કુશ્નર પણ સાથે આવવાના છે. 

પ્રથમ વખત પરિવાર સાથે વિદેશ યાત્રા 

અમેરિકન રાષ્ટ્રપતિ ડોનાલ્ડ ટ્રમ્પ અનેક વખત વિદેશ યાત્રાએ જતા હોય છે. પરંતુ તેઓ મોટેભાગે તેમની સાથે તેમના પત્ની જ હાજર હોય છે. પરંતુ પ્રથમ વખત એવું બની રહ્યું છે કે, ડોનાલ્ડ ટ્રમ્પ ભારત યાત્રાએ પરિવાર સાથે આવી રહ્યા છે. 

કોણ-કોણ આવશે ટ્રમ્પની સાથે 

ડોનાલ્ડ ટ્રમ્પની સાથે ભારત યાત્રાએ પત્ની મેલેનિયા, દીકરી ઈવાન્કા અને જમાઈ જેરેડ કુશ્નર પણ સાથે આવવાના છે. આ સાથે અમેરિકાનું મોટું પ્રતિનિધિ મંડળ પણ ભારત યાત્રાએ આવવાનું છે. 

મોટા કલાકારોને અયાપું આમંત્રણ 

ઉલ્લેખનીય છે કે, આ સાથે જ પાર્થિવ ગોહિલ, પુરષોતમ ઉપાધ્યાય, કીર્તિદાન ગઢવી, સાંઈરામ દવે, કિંજલ દવે હાજર રહેશે. તો સ્ટેડિયમ વિશે કહ્યું કે સ્ટેડિયમની ડિઝાઇન આર્કિટેક્ટ ફર્મ પોપ્યુલસ દ્વારા કરવામાં આવી છે. નવા સ્ટેડિયમના નિર્માણનો ખર્ચ રૂ. 800 કરોડ થયો છે. 

રોડ-શો 22 કિલોમીટરના બદલે 14 કિલોમીટરનો કરાયો 

આગામી 24 ફેબ્રુઆરીએ ડોનાલ્ડ ટ્રમ્પ અમદાવાદના પ્રવાસે આવી રહ્યાં છે. ત્યારે અમદાવાદમાં ટ્રમ્પ-મોદીનો ગ્રેટ ઇન્ડિયા રોડ-શૉને ટુંકાવી દેવામાં આવ્યો છે. ગાંધી આશ્રમ મુલાકાત મુલતવી રાખતા રોડ-શૉ ટુંકાવી દેવાયો છે. 22 કિલોમીટરના બદલે 14 કિલોમીટરનો રોડ-શૉ થશે. 

અમદાવાદ નહીં આવે દીકરી ઇવાન્કા 

જો કે, સૂત્રો દ્વારા પ્રાપ્ત થયેલી વિગત મુજબ અમદાવાદમાં આયોજીત કરવામાં આવેલા ‘નમસ્તે ટ્રમ્પ’ કાર્યક્રમમાં ટ્રમ્પ કાર્યક્રમમાં પત્ની સાથે જ ટ્રમ્પ હાજરી આપશે જો કે, આગ્રા અને દિલ્હીના કાર્યક્રમમાં દીકરી ઇવાન્કા અને જમાઇ પણ હાજર રહેશે.