પશ્ચિમ બંગાળની રાજધાની કોલકત્તામાં બુધવારે આયકર વિભાગે દરોડા પાડ્યા હતા. દરોડા દરમિયાન બેન્ટીક સ્ટ્રીટ બિલ્ડિંગની બારી પરથી રોડ પર નોટના બંડલ ફેંકવામાં આવ્યા. અચાનક થયેલા નોટોના વરસાદથી લોકોમાં નાસભાગ મચી. રૂપિયાના આ બંડલો કયા કારણોથી રોડ પર ફેંકવામાં આવ્યા તે જાણવા મળ્યું નથી પરંતુ જ્યારે નોટો ફેંકવામાં આવી રહી હતી ત્યારે ત્યાં આયકર વિભાગે દરોડા પાડ્યા હતા.
કોલકત્તામાં આકાશમાંથી વરસ્યા રૂપિયા
રૂપિયા લેવા લોકોની પડાપડી
આયકર વિભાગે પાડ્યા હતા દરોડા
આકાશમાંથી વરસાદ વરસવો તે તો સામાન્ય વાત છે પણ શું તમે ક્યારેય આકાશમાંથી રૂપિયા વરસતા જોયા છે ખરા. કોઈએ નહીં જોયા હોય. પણ અમે અહીં તમને એવા દ્રશ્યો બતાવવા જઈ રહ્યા છે જેમાં આકાશમાંથી રૂપિયા વરસી રહ્યા છે. દ્રશ્યોમાં આકાશમાંથી રૂપિયા વરસાદ દેખાઈ રહ્યા છે. તો બીજી તરફ લોકોમાં કુતૂહલ જોવા મળી રહ્યું છે.
લોકો રૂપિયા લૂંટવા માટે ભાગદોડ કરી રહ્યા છે. આ દ્રશ્યો છે કોલકાતાના બેન્ટીક સ્ટ્રીટના. જ્યાં DRIએ હોક મર્કેન્ટાઈલ પ્રાઈવેટ લિમિટેડમાં દરોડા પાડ્યા. DRIના દરોડા પડતાં જ વેપારીઓમાં ફફડાટ ફેલાઈ ગયો અને પોતાની ઓફિસમાં રહેલા રૂપિયાના બંડલો નીચે ફેંક્યા. બિલ્ડિંગમાંથી જ્યારે નોટોના બંડલ ધડાધડ નીચે પડવા લાગ્યા ત્યારે રોડ પર હાજર લોકોમાં કુતૂહલતા જોવા મળી અને લોકોએ રૂપિયા લૂંટવા માટે પડાપડી કરી હતી.