તમારા કામનું / ITR ઈ-વેરિફાઈ નહીં કરાવ્યું હોય તો પડી શકે છે મુશ્કેલી, નહીં મળે પૈસા, 5 પોઈન્ટ્સમાં સમજો સંપૂર્ણ વિગત

• ITR ભરતી વખતે ખાસ ધ્યાનમાં રાખજો આ વસ્તુઓ 
• 120 દિવસમાં કરી લેજો વેરિફિકેશન
• નહીં તો નહીં મળે રિફંડ 

આવકવેરા રિટર્ન ફાઇલ કરવાની પ્રક્રિયા અધૂરી રહેશે જો તેનું સમયસર વેરિફિકેશન કરવામાં નહીં આવે. તેથી જેમણે રિટર્ન ફાઈલ કર્યું છે તેમણે પણ રિટર્ન વેરિફિકેશન કરવું પડશે. જો આ કામ નિયત સમયમાં કરવામાં ન આવે તો આવકવેરા રિટર્ન અમાન્ય ગણવામાં આવશે. 

ITR અમાન્ય હોવાથી તેની પ્રક્રિયા કરવામાં આવશે નહીં અને રિફંડ પણ નહીં મળે. આવી સ્થિતિમાં જરૂરી છે કે જેટલી ઝડપથી રિટર્ન ફાઈલ કરવામાં આવ્યું છે. તે જ ઝડપે તેની ચકાસણી પણ કરવામાં આવે. જેમણે 31 જુલાઈ પછી રિટર્ન ફાઈલ કર્યું છે તેમના માટે વેરિફિકેશનનો સમયગાળો 30 દિવસનો છે. જો કે 120 દિવસમાં વેરિફિકેશન કરવાનું રહેશે.

ઓછા સમય અને રિટર્ન ફાઈલ કરવાની અનિવાર્યતાને ધ્યાનમાં લેતા, ઈ-વેરિફિકેશન શ્રેષ્ઠ છે. આ કામ ઓનલાઈન, ઘરે બેસીને પણ કરી શકાય છે અને થોડી જ મિનિટોમાં આખું કામ પૂરું થઈ જાય છે. આવો જાણીએ કે રિટર્નને કેવી રીતે ઈ-વેરીફાઈ કરવું. આ માટે 6 પ્રોસેસ આપવામાં આવી છે.

• આધાર સાથે નોંધાયેલા મોબાઈલ નંબર પર પ્રાપ્ત OTP વડે ઈ-વેરિફિકેશન કરી શકાય છે. આ માટે તમારે ઈ-ફાઈલિંગ પોર્ટલ પર લોગીન કરવું પડશે.
• જો તમે એસેસી છો અને તમારું બેંક ખાતું પહેલેથી જ વેલિડ છે તો તમે EVC જનરેટ કરીને રિટર્નની ઈ-વેરિફાઈ કરી શકો છો.
• ઑફલાઇન મોડમાં ATMમાંથી EVC દ્વારા વેરિફિકેશન કરી શકાય છે.
• જો તમે નેટ બેન્કિંગનો ઉપયોગ કરો છો, તો તમારે આવકવેરા રિટર્ન ફાઇલિંગ ટેબ પસંદ કરવી પડશે અને ઈ-વેરિફિકેશન પ્રક્રિયાને ફોલો કરવાની રહેશે.
• તમે ડિજિટલ સિગ્નેચર સર્ટિફિકેટનો ઉપયોગ કરીને રિટર્ન પણ રિટર્ન વેરિફાઈ કરી શકો છો. 

સમયસર રિટર્નને વેરિફાઈ ન કરી શકો તો શું?
પરંતુ જો તમે સમયસર તમારા રિટર્નને વેરિફાઈ ન કરી શકો તો શું? આ એક મોટો પ્રશ્ન છે કારણ કે વેરિફિકેશન વિના તમારા રિટર્નનો કોઈ અર્થ નહીં રહે. તે રિટર્ન ફાઇલ કરવામાં આવ્યું નથી તેવું અથવા તેને અમાન્ય ગણવામાં આવશે. જો તમે રિફંડ મેળવવા માંગતા હો, તો તમારે ફરીથી રિટર્ન ફાઇલ કરવું પડશે જેને રિવાઇઝ્ડ રિટર્ન કહેવામાં આવે છે. આ માટે તમારે કેટલીક ફી પણ ચૂકવવી પડશે. તો, ચાલો જાણીએ કે જો સમયસર રિટર્ન ભરવામાં ન આવે તો તેના શું પરિણામો આવશે.

• જો રિટર્ન સમયસર વેરિફાઈ કરવામાં નહીં આવે, તો તે અમાન્ય થઈ જશે, તેને ભરેલું ગણવામાં આવશે નહીં.
• આવી સ્થિતિમાં, તમારે ફરીથી રિટર્ન ફાઇલ કરવું પડશે, જે સુધારેલું રિટર્ન હશે. આ રિટર્ન મોડેથી ભરવામાં આવશે, તેથી ફી ચૂકવવી પડશે. 
• જો 120 દિવસની અંદર ITR વેરિફાઈ કરવામાં ન આવે, તો કરદાતાએ ટેક્સ વિભાગને કોન્ડોનેશનની વિનંતી સબમિટ કરવી પડશે. આ રિક્વેસ્ટ મોડુ થવાના કારણને જણાવવા માટે હોય છે.
• જો કોન્ડોનેશન રિક્વેસ્ટમાં આપેલ કારણ માન્ય હોવાનું જાણવા મળે, તો ટેક્સ ઓફિસર વિનંતીને મંજૂર કરશે. આ મંજૂરી મળ્યા પછી જ ITR વેરિફાઇડ ગણવામાં આવશે.
• સમયસર ITR ફાઈલ ન કરવાને કારણે ઘણા નાણાકીય નુકસાન થાય છે. તમારા ટેક્સના નાણાં પહેલેથી જ કપાઈ ગયા હોવા છતાં તમને તમારું રિફંડ મેળવવામાં મોડુ થશે. જો કોઈ કારણસર રિફંડમાં કોઈ ગડબડી હોય અને તેને સમયસર વેરિફાઈ પણ ન કરી શકવામાં આવે તો ડબલ નુકસાન થશે. રિટર્ન ફરીથી ભરવાનું રહેશે અને મોડું રિફંડ મળશે.