તમારા કામનું / લાસ્ટ ડેટની રાહ ના જોશો, પહેલા જ ફાઈલ કરી દો ITR, જલ્દી રિટર્ન ફાઈલ કરવા પર થશે આ મોટા ફાયદા

• લાસ્ટ ડેટની ના જોતા રાહ
• પહેલા જ ફાઈલ કરી દો રિટર્ન 
• જાણો તેનાથી શું થશે ફાયદો 

નાણાકીય વર્ષ 2021-2022 અને એસેસમેન્ટ વર્ષ 2022-2023 માટે આવકવેરા વિભાગે ITR ફાઇલ કરવાની પ્રક્રિયા શરૂ કરી છે. તમે નાણાકીય વર્ષ 2021-2022 માટે વહેલામાં વહેલી તકે આવકવેરા રિટર્ન ફાઇલ કરી શકો છો. ITR ફાઈલ કરવાની છેલ્લી તારીખ 31મી જુલાઈ 2022 છે. 

ઘણી વખત લોકો સમયસર ITR ફાઇલ કરતા નથી અને આ કામ છેલ્લી તારીખે કરે છે. આવી સ્થિતિમાં, ક્યારેક ઓછા સમયને કારણે, તેઓ કેટલીક ભૂલો કરે છે. આવી સ્થિતિમાં કોશિશ કરો કે જો તમે હજુ સુધી ITR ફાઈલ નથી કર્યું તો આ કામ જલ્દીથી જલ્દી કરો. ITR ફાઇલ કરવા પર, તમને ટૂંક સમયમાં તમારું રિફંડ (ITR રિફંડ) મળશે. આ સાથે, જો વિવિધ વિભાગોમાં કેટલાક વધારાના વ્યાજ મેળવવાનું હોય, તો તે પણ શક્ય તેટલી વહેલી તકે મળશે. જાણો ITR વહેલા ફાઈલ કરવાના શું ફાયદા છે.

જલ્દી મળશે રિફંડ
ઘણા એક્સપર્ટ્સ માને છે કે ટેક્સપેયર્સે શક્ય તેટલી વહેલી તકે ITR ફાઇલ કરવું જોઈએ. આ પછી તમને કોઈપણ પ્રકારની સમસ્યાનો સામનો કરવો નહીં પડે. આ સાથે જો તમારો TDS વધુ કાપવામાં આવે છે. તો તમને તેનું રિફંડ શક્ય તેટલું જલ્દી મળી જશે.

લેટ ITRના કારણે ભરવો પડે છે દંડ  
ઘણી વખત લોકો સમયસર રિફંડ માટે ફાઇલ કરતા નથી અને તેના કારણે તેમને સેક્શન 234 A, B અને C અને લેટ ફાઇલિંગ ફીનો દંડ પણ ભરવો પડે છે. આ સાથે ITR ફાઇલિંગ ડેડલાઇન પછી જે ટેક્સ જમા કરાવવાનો હોય છે તેના પર દર મહિને 1 ટકા વ્યાજની પેનલ્ટી પણ ચૂકવવી પડે છે.

કરવો પડી શકે છે અન્ય સમસ્યાઓનો સામનો 
ઘણી વખત જોવામાં આવ્યું છે કે ITR ફાઈલ કરવાની છેલ્લી ઘડીએ આવકવેરા સાઇટ કેશ થઈ જાય છે. જેના કારણે લોકોને પેનિક થવું પડે છે. આવી સ્થિતિમાં તમારે સમયસર આવકવેરા રિટર્ન ફાઇલ કરવું પડશે. તમે પછીથી આવનારી પરેશાનીઓથી બચી શકશો.