રાજ્યના ગૃહમંત્રી હર્ષ સંઘવીએ ગોધરાની મુલાકાત લીધી હતી. આ દરમિયાન ગોધરા પોલીસ હેડક્વાર્ટર ખાતે નિરામય હેલ્થ કેમ્પ તથા ડીવાયએસપી કચેરી અને મહિલા પોલીસ મથકના નવા બિલ્ડીંગ અને વાયરલેસ વર્કશોપનો લોકાર્પણ કાર્યક્રમ યોજાયો હતો. જેમાં હર્ષ સંઘવીએ જણાવ્યું હતું કે વર્ષ ૨૦૦૨ પછી ખાખી અને ખાદીનો સમન્વય થયો તેના લીધે ગુજરાતને સૌથી સુરક્ષિત રાજ્ય બનાવ્યું છે. વધુમાં દીકરીઓ વિરુદ્ધ બનતા ગુનાઓમાં દોષિતોને સજા કરવામાં ગુજરાત નંબર વન હોવાનું ઉમેર્યું હતું.
દરેક સંગઠન અને નાગરિકને માંગણીઓ કરવાનો હક છે: સંઘવી
વધુમાં આંદોલનો પર રાજ્ય ગૃહમંત્રી હર્ષ સંઘવીએ પ્રતિક્રિયા આપી હતી. તેમણે જણાવ્યું કે, દરેક સંગઠનોને સાંભળવા માટે કમિટીઓ બનાવેલી છે. દરેકની જે માંગણીઓ હતી તેનાથી વિશેષ લાગણી CM એ દર્શાવી છે અને નાગરિકોને મળતી સુવિધાઓમાં ખેલેલ પહોંચે તે યોગ્ય નથી. ઉપરાંત દરેક સંગઠન અને નાગરિકને માંગણીની હક્ક છે પણ સુવિધા મળવાનો હક અસુવિધામાં બદલાય તે ચલાવી નહી લેવાય તેમ પણ હર્ષ સંઘવીએ ઉમેર્યું હતું.
Inaugurated three-storey building of SDPO Godhra Office, Mahila Police Station & Wireless Workshop constructed by Guj Police Housing Corp. Ltd. which is spread over an area of 1194 square mt in presence of MoS Smt. @Nimishaben_BJP ji. pic.twitter.com/UheBIfLsKc
ગુજરાત સુરક્ષિત રાજ્ય બન્યું :સંઘવી
આજે દેશની સૌથી મોટી યોજના આયુષ્યમાનને પાંચ વર્ષ પૂર્ણ થયા છે. ગૃહમંત્રીએ જણાવ્યું હતું કે રાજ્યના પોલીસ જવાનો તમામ કામગીરીમાં સૌથી પહેલા આગળ હોય છે ગુજરાતના પોલીસનો જવાન હોય કે અધિકારી હોય તમામે પરિવારના ભોગે રાજ્યની ચિંતા કરી છે. વર્ષ ૨૦૦૨ થી ખાખી અને ખાદીના સંગમે રાજ્ય ગુંડા તરીકે ઓળખાતું હતું એ રાજ્યને સુરક્ષિત રાજ્ય બન્યું છે અને સાથે દીકરીઓ માટે સૌથી સુરક્ષિત રાજ્ય માત્ર ગુજરાત રાજ્ય બન્યું છે. વધુમાં ગોધરાના નવ કસાઈઓ આસ્થા દુભાઈ એવું કૃત્ય કરતાં હતાં જેઓ ગુજસીટોકમાં હાલ જેલ હવાલે હોવાનો ઉલ્લેખ કર્યો હતો.
ગોવિંદ ગુરુ યુનિવર્સિટીના યુવક મહોત્સવમાં આપી હાજરી
વધુમાં ગૃહમંત્રીએ નવરાત્રી પર્વને સૌને આસ્થા અને ઉમંગ સાથે ઉજવણી કરવા શુભકામનાઓ આપી હતી અને હોસ્પિટલમાં દર્દીઑ કે અન્ય કોઇને ખલેલ ન પહોંચેએ રીતે નવરાત્રિનું આયોજન કરવા અપીલ કરી હતી. કાર્યક્રમ દરમિયાન રાજયકક્ષાના આરોગ્યમંત્રી નિમિષાબેન સુથાર સહીતના પણ હાજર રહ્યા હતા. વધુમાં ગોવિંદ ગુરૂ યુનિવર્સિટીના ત્રીજા યુવા મહોત્સવના શુભારંભ કાર્યક્રમમાં પણ ગૃહમંત્રી હર્ષ સંઘવીએ હાજરી આપી હતી. આ પ્રસંગે તેઓએ યુવાઓને ઉત્સાહ પુરૂ પાડતું ઉદ્દબોધન કરી આગામી ૨૯ સપ્ટેમ્બરે વડાપ્રધાનની અધ્યક્ષતામાં નેશનલ ગેમ્સના શુભારંભ પ્રસંગે સૌ યુવા વિદ્યાર્થીઓને ઉપસ્થિત રહેવા જણાવ્યું હતું.
