મહામારી / કોરોનાથી છૂટકારો ક્યારે? વેક્સિનનો ચોથા ડોઝ લેવો પડશે, બન્યું એવું કે હેલ્થ એક્સપર્ટે કહેવું પડ્યું

• હેલ્થ એક્સપર્ટ સલમાન જારકાનો મોટો દાવો
• કોવિડ વેક્સિનના ચોથા ડોઝની પણ જરૂર પડશે
• કારણ નવા વેરિયન્ટ સામે આવી રહ્યાં છે 

ઈઝરાયલે બૂસ્ટર ડોઝ આપવાની શરૂઆત કરી

કોરોના વાઇરસ વિરુદ્ધની લડાઈમાં ઇઝરાયલ શરૂઆતથી જ આગળ રહ્યું છે, ઇઝરાયલે કોરોના સામે લડવા માટે દરેક શક્ય પગલાં ભર્યાં છે. દુનિયાભરમાં ઇઝરાયલનાં વખાણ પણ થયાં છે. 

ઈઝરાયલમાં બૂસ્ટર ડોઝ આપવાની શરૂઆત
ઈઝરાયલ પોતાના નાગરિકોને કોરોના વાઈરસના બૂસ્ટર ડોઝ આપવાની શરૂઆત કરી ચૂક્યું છે. વિશ્વ સ્વાસ્થ્ય સંગઠને દેશોને બૂસ્ટર પ્રોગ્રામને શરૂ ન કરવાનો આગ્રહ કર્યો છે. ડબ્લ્યુએચઓનું કહેવું છે કે એવું ત્યાં સુધી ન કરવું જોઇએ જ્યાં સુધી દરેક દેશના નબળા વર્ગના લોકોને વેક્સિન આપવામાં સક્ષમ ન બની જાય. 

નવા વેરિઅન્ટથી ચિંતા વધી, બુસ્ટર ડોઝની જરુર

સલમાન જારકાનું કહેવું છે કે કોરોનાના નવા વેરિઅન્ટ સામે આવી રહ્યા છે. ડેલ્ટા વેરિઅન્ટના કેસ ઝડપથી વધી રહ્યા છે. આશંકા છે કે તેનાથી મોત અને હોસ્પિટલમાં દાખલ થનારાનો આંક વધી શકે છે. 

કોરોના વેક્સિનના ચોથા ડોઝની જરૂર જલદી પડી શકે છે 
તેમનું કહેવું છે કે કોરોના વેક્સિનના ચોથા ડોઝની જરૂર જલદી પડી શકે છે અને આ માટે આપણે તૈયાર રહેવું જોઈએ. તેમનું કહેવું એમ પણ છે કે કોરોના વેરિઅન્ટની સામે બૂસ્ટર ડોઝ સક્ષમ બની શકે છે. ડેલ્ટા વેરિઅન્ટના વધતા કેસની સાથે બૂસ્ટર ડોઝની જરૂર વધી રહી છે.

કોરોનાની ચોથી લહેરથી થોડું શીખવું જોઇએ- હેલ્થ નિષ્ણાંત 
સલમાન જારકાએ કોરોનાની આગામી લહેરની પણ ચેતવણી આપી છે. તેમણે કહ્યું કે આપણે કોરોનાની ચોથી લહેરથી થોડું શીખવું જોઇએ. કોરોનાના નવા વેરિઅન્ટ આવી શકે છે. જેમ કે સાઉથ અમેરિકા મહાદ્વીપમાં થઈ રહ્યું છે. આરોગ્ય અધિકારીઓનું એમ પણ કહેવું છે કે ભવિષ્યમાં ઓછામાં ઓછા છ મહિના કે એક વર્ષમાં બૂસ્ટર ડોઝની જરૂર પડશે.