દાવો / VIDEO: ગુજરાતનાં આકાશમાં અગનગોળાને લઈને મોટો ખુલાસો, અમેરિકાના વૈજ્ઞાનિકે જુઓ શું કહ્યું

• આકાશમાં દેખાઇ ઉલ્કા!
• અનેક જિલ્લાના આકાશમાં ઉલ્કા જેવું દેખાયું
• શું આ પાછળ છે ચીનનો હાથ? 

આકાશમાં દેખાઇ ઉલ્કા!

રાજ્યના અનેક જિલ્લાઓમાં શનિવારે સાંજે 7.40 વાગ્યા આસપાસ આકાશમાં સળગતી વસ્તુઓ જોવા મળી છે. આકાશમાં ઉલ્કા જેવી વસ્તુ તેજગતિએ પૃથ્વી તરફ આવતા લોકો અચરજમાં મૂકાયા હતા. કચ્છ, રાજકોટ, મહેસાણા, અરવલ્લી, મહીસાગર સહિત અનેક જિલ્લાઓમાં ઉલ્કા જોવા મળી છે. એવું ચર્ચાઈ રહ્યું છે કે આ ઘટના આખા રાજ્યમાં જોવા મળી છે. આકાશમાં દેખાતો પદાર્થ લઘુગ્રહનો કચરો હોવાની શક્યતાઓ છે. લોકોમાં માથે ફરતા મોતથી ડરનો માહોલ પણ સર્જાયો હતો.એક અમરીકી વૈજ્ઞાનીકે તો એવો પણ દાવો કર્યો છે કે આ ચીની રોકેટનાં અંશ હતા.

અમેરિકાનાં વૈજ્ઞાનિકનો દાવો  

અમેરિકાનાં વૈજ્ઞાનિક Jonathan McDowellએ ટ્વીટ કરીને જણાવ્યું કે મારા ખ્યાલથી આ ચીનનું રોકેટ ઝેંગ 3બી હતું, જે ધરતી તરફ પડતા તેના હિસ્સાઓ વાતાવરણનાં સંપર્કમાં આવતા સળગી રહ્યા હતા. મેસાચુસેટ્સનાં કેમ્બ્રિજમાં હાર્વર્ડ સ્મિથસન સેંટર ફોર એસ્ટ્રોફીજીલીક્સનાં વૈજ્ઞાનિક મેકડોવેલનું કહેવું છે કે ચીનનું રોકેટ ઝેંગ 3બી સીરીયલ નંબર વાઈ77 આ જ રસ્તે આવવાનું હતું. મારા ખ્યાલથી આકાશમાં દેખાયેલ ચમકતી રેખાઓ તેના બળવાથી પેદા થઇ હતી. 
 

#WATCH | Maharashtra: In what appears to be a meteor shower was witnessed over the skies of Nagpur & several other parts of the state. pic.twitter.com/kPUfL9P18R

— ANI (@ANI) April 2, 2022

નાગપુર સ્કાઈવોચ ગ્રુપનાં અધ્યક્ષ સુરેશ છોપડેએ પણ આ જ પ્રકારનું અનુમાન લગાવ્યું છે. તેઓ કાહે છે કે આ ચમકતી રેખાઓના ઉલ્કા હોવાની સંભાવના ઘણી ઓછી છે. આ રેખાઓમાંથી રંગીન પ્રકાશ જોવા મળી રહ્યો હતો, જે ઉલ્કાનો ન હોઈ શકે. આ રંગો ત્યારે જ દેખાય છે, જ્યારે એ વસ્તુમાં કોઈ ધાતુ હોય. મને લાગે છે કે આ તો કોઈ દેશની સેટેલાઈટ ભૂલથી પડી ગઈ કે પછી તેને જાણી જોઇને પણ ક્રેશ કરાવવામાં આવી હોય એવું પણ બની શકે. 

જલગાંવનાં જીલ્લાધિકારી અભિજિત રાઉતે જણાવ્યું કે ઔરગાબાદ અથીત એપીજે અબ્દુલ કલામ એસ્ટ્રોસ્પેસ એંડ સાઈન્સ સેંટરનાં વૈજ્ઞાનિકો અનુસાર, આ નીચે પાડનાર વસ્તુ રોકેટ બૂસ્ટર પણ હોય શકે છે, જેનાં દ્વારા સેટેલાઈટ પૃથ્વી પર મોકલવામાં આવે છે. આ પ્રકારની ઘટનાઓ બનતી રહે છે. 

સેંટરનાં નિદેશક શ્રીનિવાસ ઔંધકરે જણાવ્યું કે શનિવારે દુનિયાભરમાં માત્ર એક સેટેલાઈટ લોન્ચ કરવામાં આવી હતી. કંપની બ્લેકસ્કાઈએ સાંજે 6:11 વાગ્યે એક સેટેલાઈટને અંતરિક્ષમાં મોકલી હતી. બની શકે છે કે આ પાડવાવાળી વસ્તુ રોકેટ બુસ્ટર હોય, જેને સેટેલાઈટને આકાશ સુધી પહોંચાડવા માટે ઉપયોગમાં લેવામાં આવેલ હોય. 

કૃત્રિમ ઉપગ્રહ હોવાની શક્યતા
અવકાશ વિજ્ઞાનના નિષ્ણાંતોના અનુસાર ખરતો તારો પૃથ્વી પર આટલો નીચે ન આવી શકે. આ પદાર્થ સ્પેસ ડેબ્રી(અવકાશી કૃત્રિમ ઉપગ્રહ)નો કાટમાળ હોવાની શક્યતાઓ છે.

આકાશમાં અગનગોળો જમીન તરફ પડતો જોતા લોકો ડર્યા
સાંજના સમયે આકાશમાં ઉલ્કા જેવી વસ્તુ ખરતી નજરે પડી હતી. આ સળગતી વસ્તુ પૃથ્વી તરફ પડતા લોકોના શ્વાસઅદ્ધર તાલ થયા હતા. જે ઘટનાનો વીડિયો પણ લોકોએ બનાવી લીધો હતો. જે હાલ સોશિયલ મીડિયામાં વાયરલ થયો છે.

આ અગનગોળાના બે ભાગ થયા હતા
આ અગનગોળો પૃથ્વીની વધુ નજીક આવતા બે ભાગમાં વહેંચાઈ ગયો હતો. આ ઘટના જોઈને લોકો વિચારમાં મૂકાઈ ગયા હતા. જોકે થોડી ક્ષણો બાદ આ વસ્તુ ગાયબ થઇ ચૂકી હતી. ત્યારે લોકો એ જાણવા માંગે છે કે આ શું વસ્તું હતી.

મહારાષ્ટ્રના નાગપુર અને રાજ્યના અન્ય કેટલાક ભાગોના પણ આકાશમાં ઉલ્કાવર્ષા જોવા મળી હતી.