સુવિધા / મુંબઇ હવે દૂર નથી: અમદાવાદથી શરૂ થશે આવી હાઇફાઇ સુવિધાવાળી ટ્રેન, જાણો ટાઈમ ટેબલ

• અમદાવાદ-મુંબઇ વચ્ચે ચાલશે તેજસ એક્સપ્રેસ 
• અઠવાડિયામાં 6 દિવસ ચાલશે નવી તેજસ ટ્રેન
• 17 જાન્યુઆરી 2020 થી શરૂઆત 

આ ટ્રેનને 17 જાન્યુઆરી 2020 ના રોજ લીલીઝંડી આપવામાં આવશે. આ સાથે જ, ટ્રેન 19 જાન્યુઆરીથી સામાન્ય લોકો માટે વ્યવસાયિક ધોરણે શરૂ થશે. 10 જાન્યુઆરી પછી બુકિંગ શરૂ થશે.

IRCTC: Tejas train is ready to run between Ahmedabad and Mumbai. The inaugural run of this second Tejas Train will be flagged off from Ahmedabad on 17th January, 2020. The commercial run of the train will start with effect from 19th January, 2020 from Ahmedabad.

— ANI (@ANI) December 28, 2019

સાડા છ કલાકમાં કાપશે અંતર

અમદાવાદથી મુંબઇ જતી ટ્રેનનો નંબર 09426 હશે, જ્યારે મુંબઇથી અમદાવાદ વચ્ચે દોડતી ટ્રેન 09425 હશે. આ ટ્રેન સાંજે 5.15 વાગ્યે મુંબઇથી અમદાવાદ તરફ આવવા નીકળશે, જે રાત્રે 11:30 વાગ્યે અમદાવાદ પહોંચશે. નોંધનીય છે કે, દેશની પ્રથમ ખાનગી ટ્રેન તેજસ એક્સપ્રેસ દિલ્હી-લખનઉ રૂટ પર ચલાવવામાં આવી રહી છે. મહત્વનું છે કે, અમદાવાદથી મુંબઇ સેન્ટ્રલ વચ્ચે દોડતી બીજી તેજસ એક્સપ્રેસ ટ્રેન લગભગ સાડા છ કલાકમાં બંને સ્ટેશનો વચ્ચેની મુસાફરી પૂર્ણ કરશે. 

તેજસ એક્સપ્રેસે ઓક્ટોબરમાં કર્યો 70 લાખનો નફો 

દેશની પહેલી ખાનગી ટ્રેન તેજસ એક્સપ્રેસે ઓક્ટોબરમાં 70 લાખ રૂપિયાનો નફો મળ્યો છે. રેલ્વે સૂત્રોના જણાવ્યા અનુસાર આ ટ્રેનની ટિકિટના વેચાણથી ગયા મહિને આશરે 3.70 કરોડની આવક થઈ હતી.

શું રહેશે તેજસનું ટાઇમ ટેબલ 

અમદાવાદથી મુંબઇ વચ્ચે ચાલતી તેજસ એક્સપ્રેસ સવારે 6.40 વાગ્યે અમદાવાદથી ઉપડશે. આ ટ્રેન બપોરે 1.10 વાગ્યે મુંબઇ સેન્ટલ પહોંચશે. બદલામાં આ ટ્રેન મુંબઈથી બપોરે 3.40 વાગ્યે દોડશે. આ ટ્રેન રાત્રે 9.55 વાગ્યે અમદાવાદ પરત આવશે. અમદાવાદથી નીકળ્યા બાદ ટ્રેન નંદેડ, વડોદરા, ભરૂચ, સુરત, વાપી અને બોરીવલી સ્ટેશનો ઉપરથી અટકીને મુંબઇ સેન્ટ્રલ પહોંચશે. આ ટ્રેન અઠવાડિયામાં છ દિવસ ચલાવવામાં આવશે. અમદાવાદથી મુંબઇ સેન્ટ્રલ વચ્ચે દોડતી બીજી તેજસ એક્સપ્રેસ ટ્રેનમાં 18 કોચ હશે. જો કે, શરૂઆતમાં 12 કોચવાળી ટ્રેન ચલાવવામાં આવશે.

આ છે ટ્રેનની ખાસિયત

ટ્રેનમાં વિમાનની જેમ વ્યક્તિગત એલસીડી એન્ટરટેનમેન્ટ કમ ઇન્ફોર્મેશન સ્ક્રીન, ઓન બોર્ડ વાઇ-ફાઇ સેવા, આરામદાયક સીટ, મોબાઇલ ચાર્જિંગ, વ્યક્તિગત રીડિંગ લાઇટ્સ, મોડ્યૂલર બાયો-ટોયલેટ અને સેન્સર ટેપ ફિટિંગની સુવિધાઓ હશે.