ટ્રાવેલ / હિમાચલપ્રદેશ જવું છે? તો તમારા માટે આ રહ્યું સૌથી બેસ્ટ ટુર પેકેજ

પોતાની પ્રાકૃતિક સુંદરતા અને વિવિધતા માટે પ્રસિધ્ધ હિમાચલપ્રદેશ એક શાનદાર ટુરિસ્ટ પ્લેસ છે. દર વર્ષે અહીં મોટી સંખ્યામાં સહેલાણીઓ ફરવા આવે છે. જો તમે પણ હિમાચલપ્રદેશ ફરવા ઇચ્છતા હો તો આઇઆરસીટીસી પોતાના યાત્રીઓ માટે એક બેસ્ટ ટુર પેકેજ લાવ્યુ છે. આ ટુર પેકેજ હેઠળ યાત્રીઓ ચંદીગઢ, મનાલી અને શિમલાની મુલાકાત લઇ શકશે.

આઇઆરસીટીસીની વેબસાઇટ પર અપાયેલી જાણકારી અનુસાર આઇઆરસીટીસીના આ ટુર પેકેજ આઠ રાત અને 9 દિવસનું હશે. તેની શરુઆત 4 ફેબ્રુઆરીથી થશે. જાણકારી મુજબ આઇઆરસીટીસીએ આ ટુર પેકેજનું નામ હિમાચલ ફેંટસી રાખ્યુ છે. આ ટુર પેકેજ હેઠળ યાત્રીઓ હૈદરાબાદથી પોતાની સફર શરુ કરશે. પેકેજ હેઠળ 4 ફેબ્રુઆરીની સવારે 6.50 વાગે તમામ યાત્રીઓ તેલંગાના એક્સપ્રેસ દ્વારા દિલ્હી રવાના થશે. દિલ્હીમાં આરામ કર્યા બાદ તમામ યાત્રી શિમલા માટે રવાના થશે. શિમલા બાદ મનાલી અને પછી સોલંગ વેલી અને ત્યારબાદ ચંદીગઢ માટે રવાના થશે.

ટુર પેકેજમાં આ સુવિધાઓ મળશે

આ ટુર પેકેજમાં યાત્રીઓને સ્લીપર, થર્ડ એસી ક્લાસથી ટ્રેનની યાત્રાનો ખર્ચ, દિલ્હી, શિમલા, ચંદીગઢ અને મનાલીમાં એસી રુમમાં રહેવાની વ્યવસ્થા સામેલ છે. સાથે સાથે બ્રેકફાસ્ટ અને ડિનરની સુવિધા હશે. સાઇટ સીઇઁગ માટે એસી ટ્રાન્સપોર્ટની વ્યવસ્થા હશે અ ટ્રાવેલ ઇન્શ્યોરન્સ મળશે. આ ઉપરાંત ટોલ, પાર્કિંગના ચાર્જીસ પણ સામેલ છે. જો યાત્રીઓ વધારાની સુવિધાઓ ઇચ્છતા હોય તો તેમણે ટુર પેકેજ ઉપરાંત વધારાના પૈસા આપવા પડશે.

ટુર પેકેજ અને પ્રતિવ્યક્તિ ખર્ચ 

આ ટુર માટે થર્ડ એસીમાં પ્રતિ વ્યક્તિ સિંગલ ઓક્યુપેંસી માટે તમારે 30,465 રુપિયા, ડબલ ઓક્યુપેંસી માટે 21,580 રુપિયા અને ટ્રિપલ ઓક્યુપેંસી માટે તમારે 17,860 રુપિયા ખર્ચવા પડશે. તમારી સાથે બાળકો પણ હોય તો બેડ સાથે 5થી 11 વર્ષના બાળકો માટે તમારે 8,785 રુપિયા અને બેડ વગર એક બાળક માટે 6,595 રુપિયા ખર્ચવા પડશે. સ્લિપર ક્લાસમાં પ્રતિ વ્યક્તિ સિંગલ ઓક્યુપેંસી માટે તમારે 27,365 રુપિયા, ડબલ ઓક્યુપેંસી માટે 18,480 રુપિયા અને ટ્રિપલ ઓક્યુપેંસી માટે 14,760 રુપિયા ખર્ચવા પડશે.