આગરા / રેલ્વે સ્ટેશન પર શૌચાલયનો ઉપયોગ કરવાનું ભારે પડ્યું: યાત્રી પાસેથી બિલમાં 12 ટકા GST ચાર્જ વસૂલ્યો

• આગરામાંથી એક વિચિત્ર કિસ્સો સામે આવ્યો
• રેલ્વે સ્ટેશન પર શૌચાલયનો ઉપયોગ કરવા પર 12 ટકા જીએસટી લગાવ્યો
• બિલ સાથે 12 ટકા ટેક્સ જોડીને આપ્યો, યાત્રીએ 224 રૂપિયા ચુકવવા પડ્યા

આપે ક્યારેકને ક્યારેક તો રેલ્વે સ્ટેશન અથવા બસ સ્ટેશન પર શૌચાલયનો ઉપયોગ તો કર્યો જ હશે. તેના માટે આપની પાસેથી 5થી 10 રૂપિયા ચાર્જ પણ વસૂલવામાં આવતો હશે. જો કે, તેની સાથે જ જોડાયેલ એક સમાચાર હાલમાં સોશિયલ મીડિયા પર વાયરલ થઈ રહ્યા છે. હકીકતમાં જોઈએ તો, આગરા કેંટ સ્ટેશન પર એક્ઝીક્યૂટિવ લોંજના વોશરુમમા ંઅમુક મીનિટ માટે બ્રિટિશ દૂતાવાસ નવી દિલ્હીથી આવેલા બે પર્યટકો પાસેથી 112-112 એટલે કે, 224 રૂપિયા ચુકવવા પડ્યા હતા. 

કેટલા ટકા લાગ્યો જીએસટી

ચુકવવામાં આવેલ રકમમાં 6 ટકા જીએસટી અને 6 ટકા સી જીએસટી સામેલ છે. તેનો અર્થ એવો થાય છે કે, શૌચાલય માટે 12 ટકા જીએસટી લગાવામાં આવ્યો. આ અત્યાર સુધીનો પ્રથમ આવો કિસ્સો છે. જેમાં કોઈની પાસેથી શૌચ જવા પર આટલો મોટો ચાર્જ લેવામાં આવ્યો હોય.

આઈઆરસીટીસીએ શું કહ્યું 

પર્યટકોના એક્ઝીક્યૂટિવ બ્રાંચનો ઉપયોગ ખૂબ મોંઘો લાગ્યો અને જ્યારે મામલો લોંજ મેનેજમેન્ટ સુધી પહોંચ્યો તો, તેમણે કહ્યું કે, આઈઆરસીટીસીની કોઈ ભૂલ નથી. આ લોંજ એક્ઝીક્યૂટિવ છે. એક્ઝીક્યૂટિવ લોંજમાં રોકવા માટે મીનિમમ ચાર્જ 50 ટકા ડિસ્કાઉંટ બાદ 112 રૂપિયા આપવા ફરજિયાત છે. 

આઈઆરસીટીસીના જણાવ્યા અનુસાર ચુકવણી કર્યા બાદ ગ્રાઉન્ડમાં આપને કંપ્લીમેંટ્રિટી કોફી આપવામાં આવે છે. તેમાં આપ વોશરૂમનો ઉપયોગ પણ કરી શકશો. ફ્રી વાઈફાઈનો ઉપયોગ પણ કરી શકશો. ચુકવણી કરવા પર આપને 2 કલાક સુધી એક્ઝીક્યૂટિવ લોંજમાં રોકાઈ શકશો. 

આ અગાઉ પણ સર્વિસ ચાર્જ સાથે જોડાયેલ કિસ્સો વાયરલ થયો હતો

આઈઆરસીટીસી પોતાની સર્વિસ ચાર્જના કારણે પહેલા પણ ચર્ચામાં આવ્યું છે. આ અગાઉ ભોપાલ શતાબ્દી ટ્રેનમાં એક શખ્સ પાસેથી 20 રૂપિયાના કપ પર 50 રૂપિયાનો સર્વિસ ચાર્જ લેવામાં આવ્યો હતો. આ શખ્સને એક ચા માટે 70 રૂપિયા આપવા પડ્યા હતા. રેલ્વેને આ હાઈફાઈ સર્વિસના પુરાવા તરીકે આ શખ્સે સોશિયલ મીડિયા પર આ ચાનું બિલ પણ શેર કર્યું હતું. જે બાદ રેલ્વે તરફથી સ્પષ્ટતા પણ સામે આવી હતી.