ઇરાનની ઇસ્લામિક રિવૉલ્યૂશનરી ગાર્ડ્સ કૉર્પ્સ માત્ર ચાર દિવસની અંદર જ અમેરિકાથી પોતાના મેજર જનરલ સુલેમાનીની હત્યાનો બદલો લીધો છે. રિવૉલ્યૂશનરી ગાર્ડ્સ કૉર્પ્સની વાયુસેનાએ બુધવારે સવારે ઇરાક સ્થિત અમેરિકી સેનાના ઠેકાણાઓ પર બેલેસ્ટિક મિસાઇલોનો હુમલાઓ કર્યા.
ઇરાને પોતાના જનરલ સુલેમાનીની હત્યાનો ચાર દિવસમાં બદલો લીધો
ઇરાનની રિવૉલ્યૂશનરી ગાર્ડ્સ કૉર્પ્સએ અમેરિકી સેનાના ઠેકાણાઓ પર બેલેસ્ટિક મિસાઇલોનો હુમલો કર્યો
અમેરિકી સેનાના ઠેકાણાઓને નિશાન બનાવતા લગભગ 15 બેલેસ્ટિક મિસાઇલોથી હુમલો કર્યો
ઇરાનની મીડિયા રિપોર્ટ્સમાં દાવો કરવામાં આવ્યો છે કે, હુમલામાં 80 અમેરિકી નાગરિકોના મોત થયા છે.
ઇરાનના રિવૉલ્યૂશનરી ગાર્ડ્સે બાદમાં સત્તાવાર નિવેદનમાં કહ્યું, 'ઓપરેશન શહીદ સુલેમાની' હેઠળ બુધવારે સવારે આ હુમલા કર્યા અને અમેરિકી ઠેકાણાઓ પર કેટલાય જમીનથી જમીન પર પ્રહાર કરનારી મિસાઇલોથી હુમલો કરવામાં આવ્યા. ઇરાની સેનાએ તેની સાથે જ અમેરિકાને ચેતવણી આપી છે કે, જો તે કોઇ હુમલો કરે છે તો ઇરાન તેનાથી વધારે ઘાતક કાર્યવાહી કરશે.
અમેરિકાની મધ્ય-પૂર્વ સેનાનું નેતૃત્વ કરનારી સેન્ટ્રલ કમાન્ડે જણાવ્યું કે, ઇરાને ઇરાકમાં અમેરિકી સેનાના ઠેકાણાઓને નિશાન બનાવતા લગભગ 15 બેલેસ્ટિક મિસાઇલોથી હુમલો કર્યો. અલ અસદ એર બેઝ પર 10 મિસાઇલોથી હુમલો કરવામાં આવ્યો, જ્યારે અરબિલમાં એક મિસાઇલથી જ્યારે ચાર અન્ય મિસાઇલ પોતાના નિશાનથી ચૂકી ગઇ. આ એટેક બે ચરણોમાં થયો અને બંને હુમલાઓમાં લગભગ એક કલાકનો ગેપ હતો.
ઇરાનની સરકારી ટીવી ચેનલે દાવો કર્યો છે કે, 15 મિસાઇલોથી થયેલા હુમલામાં 80 અમેરિકી માર્યા ગયા. ઇરાને અમેરિકીઓને આંતકીઓ કહીને બોલાવ્યા. નોંધનીય છે કે, ઇરાની સંસદે મંગળવારે મધ્ય-પૂર્વમાં હાજર અમેરિકી સેનાને આતંકવાદી જાહેર કર્યા છે.