હાર્દિક પંડ્યાએ તેની કપ્તાની હેઠળ IPL 2022નું ટાઈટલ જીતીને ઈતિહાસ રચ્યો છે. ગુજરાત ટાઇટન્સની ટીમ પ્રથમ વખત IPL રમી રહી હતી અને તેની ડેબ્યૂ સિઝનમાં જ ચેમ્પિયન બની છે. ત્યારે ગુજરાત ટાઇટનની ટીમે ગાંધીનગરમાં મુખ્યમંત્રીના નિવાસસ્થાને મુખ્યમંત્રી ભૂપેન્દ્ર પટેલ સાથે મુલાકાત કરી હતી. CM હાઉસ ખાતે ટીમનો અભિવાદન કાર્યક્રમ યોજાયો હતો. જેમાં રમત-ગમત મંત્રી હર્ષ સંઘવી પણ ઉપસ્થિત રહ્યાં હતા. આ મુલાકાત બાદ અમદાવાદમાં ગુજરાત ટાઇટન્સની ટીમનો ભવ્ય રોડ શો યોજાયો હતો. ખુલ્લી બસમાં ગુજરાત ટાઇટન્સના ખેલાડીઓએ પ્રશંસકોનું અભિવાદન ઝીલ્યું હતું. ક્રિકેટપ્રેમીઓમાં ભારે ઉત્સાહ જોવા મળ્યો હતો.
સ્ટાર ખેલાડીઓને જોવા રિવરફ્રન્ટ સમર્થકો ઉમટી પડ્યા હતા. અમદાવાદમાં ઉસ્માનપુરા રિવરફ્રન્ટથી આ રોડ શોનું સમાપન થશે અને વિશ્વકુંજ રિવરફ્રન્ટ ખાતે તેની પૂર્ણાહુતિ થશે.
મારે ફિલ્ડિંગ ભરવાની આવી જ નથી-ભૂપેન્દ્ર પટેલ
આજે ગુજરાત ટાઇટન્સ્સની ટીમે સીએમ ભૂપેન્દ્ર પટેલની શુભેચ્છા મુલાકાત કરી હતી. CM ભૂપેન્દ્ર પટેલે રમૂજી મૂડમાં મુલાકાત વખતે નિવેદન આપતા કહ્યું હતું કે મારે ફિલ્ડિંગ ભરવાની આવી જ નથી, મૈ બેટિંગ જ કરી છે. નાના હતા ત્યારે પહેલા એવું કરતાં કે પહેલા બેટિંગ લઈ લો પછી આવે ન આવે.. આમ હળવા મૂડમાં સીએમ ભૂપેન્દ્ર પટેલે ગુજરાત ટાઈટન્સના ખેલાડીઓ સાથે મુલાકાત કરી હતી.
પહેલી જ સીઝનમાં જ ગુજરાત ટાઇટન્સ IPL જીત્યું
ગઇ કાલે રવિવારના રોજ અમદાવાદના નરેન્દ્ર મોદી સ્ટેડિયમમાં IPL 2022ની ફાઇનલમાં ગુજરાત ટાઇટન્સનો ભવ્ય વિજય થયો હતો. ગુજરાત ટાઇટન્સે રાજસ્થાન રોયલ્સને 7 વિકેટથી હરાવ્યું હતું..
અત્રે જણાવી દઇએ કે, ઈન્ડિયન પ્રીમિયર લીગ 2022ના રવિવારે રમાયેલા સૌથી મોટા મુકાબલા એટલે કે ફાઇનલ મેચમાં પોતાના જ હોમ ગ્રાઉન્ડમાં રમાયેલી મેચમાં ગુજરાત ટાઇટન્સે રાજસ્થાન રૉયલ્સને 7 વિકેટથી હરાવીને ટ્રોફી જીતી લીધી છે. જીત માટે મળેલા 131 રનના ટાર્ગેટનો પીછો કરવા ઉતરેલી ગુજરાત ટાઇટન્સની શરૂઆત ખરાબ રહી હતી અને 2 વિકેટ જલ્દીધી પડી ગયા હતા. પરંતુ બીજા ઓપનર શુભમન ગિલ(અણનમ 45)એ મોરચો સંભાળ્યો, તો કેપ્ટન હાર્દિક પંડ્યા(34)એ પણ પોતાનું સારુ યોગદાન આપ્યું. ત્યારે ગત કેટલીક મેચોની જેમ ડેવિડ મિલ(32)એ પણ સારી બેટિંગ કરતા 18.1 ઓવરોમાં 7 વિકેટ અને 11 બોલ બાકી રહેતા ગુજરાત ટાઇટન્સને તેના પહેલા જ પ્રયાસમાં આઈપીએલનું ચેમ્પિયન બનાવી દીધું છે. ગુજરાતે આ સિઝનમાં 16માંથી 14 મેચ જીતી છે.
આ પહેલાં ગુજરાતે પહેલા બોલિંગ કરતા રાજસ્થાન રૉયલ્સને માત્ર 130 રનો પર જ રોકી દીધા હતા. પહેલા બેટિંગ કરતા રાજસ્થાનના ઓપનરોએ સારી અને ઝડપી શરૂઆત કરવાનો પ્રયત્ન કર્યો, પરંતુ દર વખતની જેમ જ યશસ્વી જયસવાલ(22) રન બનાવીને આઉટ થયા, પરંતુ પહેલી વિકેટ પડી તો રાજસ્થાનનો કોઈ પણ બેટ્સમેન પિચ પર ન ટકી શક્યો. કેપ્ટન સંજૂ(14) સસ્તામાં પેવેલિયન ભેગા થયા તો દેવદત્ત(2) પણ કંઇ ખાસ ન કરી શક્યા. પરંતુ જ્યારે રાજસ્થાનનો આખો પ્લાન જમીનદોસ્ત થઇ ગયો. અહીંથી કોઇ બેટ્સમેન બટલરના નુકસાનની ભરપાઇ ન કરી શક્યું. હાર્દિક પંડ્યાએ સારી બોલિંગ કરી. પરિણામ એ રહ્યું કે રાજસ્થાન 20 ઓવરમાં 9 વિકેટ પર 130 રન જ બનાવી શક્યું. હાર્દિકે ત્રણ વિકેટ ઝડપી.
હાર્દિક મેચના હીરો
કેપ્ટન હાર્દિક પંડ્યા 30 બોલ પર 34 રન બનાવીને કેચ આઉટ થયા હતા. ગુજરાત ટાઇટન્સ તરફથી હાર્દિક પંડ્યાએ 17 રન આપીને 3 વિકેટ ઝડપી. ત્યારે, આર. સાઈ કિશોરે બે વિકેટ ઝડપી હતી.. ગુજરાત ટાઇટન્સે રાજસ્થાન રોયલ્સને 7 વિકેટે હરાવી પોતાની પ્રથમ IPLમાં ચેમ્પિયન બનીને ઇતિહાસ રચ્યો છે.
ધોનીના ક્લબમાં સામેલ થયા હાર્દિક
હાર્દિક પંડ્યા આઈપીએલ જીતનારા ચોથા ભારતીય કેપ્ટન છે. આ પહેલા એમએસ ધોની, ગૌતમ ગંભીર, રોહિત શર્મા આ ઉપલબ્ધિ હાંસલ કરી ચૂક્યા છે. ગુજરાત ટાઇટન્સ IPL જીતનારી 7મી ટીમ બની છે.