IPL 2023 / પ્લેઑફની રેસમાં જામી રસાકસી: RCBની જીત બાદ હવે MI ટોપ-4ની બહાર, જુઓ કઈ કઈ ટીમો આગળ

• પ્લેઑફની રેસમાં જામી રસાકસી
• વિરાટ કોહલીએ સદી ફટકારીને 8 વિકેટ પર RCBને જીત અપાવી
• મુંબઈ ઈન્ડિયન્સ ટીમ પાંચમાં નંબર પર

ગુરુવારે રાત્રે રાજીવ ગાંધી ઈન્ટરનેશનલ સ્ટેડિયમમાં IPL 2023ની 65મી મેચ સનરાઈઝર્સ હૈદરાબાદ અને રોયલ ચેલેન્જર્સ બેંગ્લોર વચ્ચે રમવામાં આવી હતી. વિરાટ કોહલીએ શાનદાર સદી ફટકારીને 8 વિકેટ પર RCBને જીત અપાવી છે. RCB પોઈન્ટ ટેબલમાં ટોપ 4 પર પહોંચી ગઈ છે. ગુજરાત ટાઈટન્સ, ચેન્નઈ સુપર કિંગ્સ અને લખનઉ સુપર જાયન્ટ્સ સાથે બેંગ્લોર IPL 2023ના પોઈન્ટ ટેબલમાં ટોપ-4 પર છે. RCBની આ જીતથી રોહિત શર્માની મુંબઈ ઈન્ડિયન્સ ટીમને ભારે નુકસાન થયું છે અને પાંચમાં નંબર પર આવી ગઈ છે. 

પ્લેઑફની રેસમાં રહેવા માટે RCBએ આ મેચ જીતવી ખૂબ જ જરૂરી હતી. RCB આ મેચમાં હારી ગઈ હોત તો ચેન્નઈ સુપર કિંગ્સની સાથે લખનઉ સુપર જાયન્ટ્સે પ્લેઑફ માટે ક્વોલિફાય કરી લીધું હોત. બેંગ્લોરે આ જીતથી પોઈન્ટ ટેબલમાં તડકો લગાવી દીધો છે. પ્લેઑફ માટે ક્વોલિફાય થવા માટે તમામ ટીમોએ અંતિમ મેચ જીતવાની રહેશે. ચેન્નઈ સુપર કિંગ્સ અને લખનઉ સુપર જાયન્ટ્સ હારી જાય તો પણ તેમની પાસે પ્લેઑફમાં પહોંચવા માટે ચાન્સ હશે. મુંબઈ ઈન્ડિયન્સ અથવા RCBમાંથી કોઈ એક મેચ હારી જાય તો જ આ શક્ય બનશે. 

SRH vs RCB
SRHની ટીમે ટોસ જીતીને પહેલા બેટીંગ કરી હતી અને 5 વિકેટે 186 રન કર્યા હતા. લક્ષ્યાંકનો પીછા કરતા 4 બોલ બાકી હતા ત્યારે જ RCBએ 8 વિકેટ ગુમાવીને ટાર્ગેટ પ્રાપ્ત કરી લીધો હતો. જેમાં વિરાટ કોહલીએ સદી ફટકારી હતી અને ફાફ ડુપ્લેસીએ 71 રનની શાનદાર ઈનિંગ રમી હતી.