જબરા ફેન / વાહ! વેડિંગ કાર્ડ પર જ છપાવી દીધી માહીની તસવીર, ધોનીના ફેન્સની અનોખી દિવાનગી, લોકોએ આપ્યા ગજબ રિએક્શન

• ધોનીનો જબરો ફેન છે કર્ણાટકનો આ વ્યક્તિ
• લગ્નના કાર્ડ પર છપાવી ધોનીની તસવીર 
• વાયરલ થયું લગ્નનું કાર્ડ 

ભારતમાં બોલિવૂડ અને ક્રિકેટર્સ માટે લોકોમાં ભારે ક્રેઝ જોવા મળે છે અને ખાસ કરીને સાઉથની વાત કરીએ તો ત્યાંનાં ચાહકો ફિલ્મ સુપરસ્ટાર્સના મંદિરો પણ બનાવે છે. આ બધા વચ્ચે દિવાનાગીનો એક નવો કિસ્સો કર્ણાટકથી સામે આવ્યો છે. આપણે બધા જાણીએ છીએ કે ભારતીય ટીમના પૂર્વ કેપ્ટન મહેન્દ્ર સિંહ ધોનીની ફેન ફોલોઈંગ આખી દુનિયામાં જોવા મળે છે. ભલે ધોનીએ હવે આંતરરાષ્ટ્રીય ક્રિકેટને અલવિદા કહી દીધું છે, પરંતુ આજે પણ ચાહકો તેની એક ઝલક જોવા માટે ઉત્સુક છે. 

આ દરમિયાન કર્ણાટકના એક ચાહકે ધોની પ્રત્યે એવો ક્રેઝ બતાવ્યો છે જે સોશિયલ મીડિયા પર ખૂબ જ ઝડપથી વાયરલ થઈ રહ્યો છે. એ વ્યક્તિએ તેના લગ્નના કાર્ડ પર પૂર્વ કેપ્ટન એમએસ ધોનીની તસવીર છપાવી છે. સાથે જ આ કાર્ડ કર્ણાટક ધોની ફેન્સ એસોસિએશન દ્વારા બહાર પાડવામાં આવ્યું હતું તે થોડી જ વારમાં વાયરલ થઈ ગયું હતું. 

જણાવી દઈએ કે મહેન્દ્ર સિંહ ધોની હાલમાં ઈન્ડિયન પ્રીમિયર લીગ (આઈપીએલ) 2023 સીઝનની તૈયારીઓને લઈને ચેન્નાઈમાં ટીમ સાથે પ્રેક્ટિસ કરી રહ્યા છે અને આઈપીએલની આગામી સીઝન વિશે કહેવામાં આવી રહ્યું છે કે આ ધોનીના કરિયરની છેલ્લી સીઝન હોઈ શકે છે અને તે પછી તે આ ટી20 લીગને અલવિદા કહી શકે છે.

A fan printed the photo of MS Dhoni in his wedding card. pic.twitter.com/DDkhVbIrwk

— Johns. (@CricCrazyJohns) March 10, 2023

No cricketer in future can match the craze of Sachin & Dhoni.

— 87.58m (@Eighty7_58) March 10, 2023

જો કે આ પહેલીવાર નથી કે આવો કિસ્સો સામે આવ્યો હોય. આ પહેલા પણ વર્ષ 2018 દરમિયાન ધોની સાથે આવું જ કંઈક બન્યું છે. એક પ્રશંસકે ધોની અને ચેન્નાઈ સુપર કિંગ્સ પ્રત્યે તેની દિવાનગી બતાવી હતી અને એ સમયે પ્રશંસકે તેના લગ્નનું કાર્ડ ધોનીને સમર્પિત કરતાં તેને ચેન્નાઈ સુપર કિંગ્સની ટિકિટ જેવું બનાવી દીધું.