ફટકાર / IPL 2021: રાજસ્થાન રોયલ્સનો વિજય છતાં લાગ્યો મોટો ઝટકો, કેપ્ટનને થયો દંડ

• IPLની ત્રીજી મેચમાં રાજસ્થાન રોયલ્સે પંજાબ કિંગ્સને 2 રનથી પરાજય આપ્યો
• રાજસ્થાન રોયલ્સના કેપ્ટન સંજૂ સેમસન પર દંડ ફટકારવામાં આવ્યો
• કેપ્ટન સંજૂ સેમસન પર 12 લાખનો દંડ ફટકારાયો

રાજસ્થાન રોયલ્સના કેપ્ટન સંજૂ સેમસન પર 12 લાખનો દંડ

સંજૂ સેમસન પર 12 લાખનો દંડ લગાવવામાં આવ્યો છે. રાજસ્થાન રોયલ્સની ટીમ પંજાબ કિંગ્સ સામે નિર્ધારિત સમયમાં ઓવર પૂર્ણ કરી શકી નહોતી. આઈપીએલની વેબસાઈટમાં તેની માહિતી આપવામાં આવી છે. આઈપીએલ 2021ની સિઝનમાં સંજૂ સેમસને આ પ્રથમ વખત ભૂલ કરી હતી. જેના કારણે આઈપીએલની આચાર સંહિતા હેઠળ તેની પર દંડ ફટકારવામાં આવ્યો હતો. પંજાબ કિંગ્સને જીતવા માટે છેલ્લી ઓવરમાં 4 રનની જરૂર હતી. પરંતુ કાર્તિક ત્યાગીએ છેલ્લી ઓવરમાં સારી બોલિંગ કરી એક રન આપ્યો હતો અને રાજસ્થાન રોયલ્સ બે રનથી જીતી હતી. ત્યારબાદ પોઈન્ટ ટેબલમાં રાજસ્થાન રોયલ્સની ટીમ પાંચમા સ્થાને પહોંચી ગઇ છે.

યશસ્વી જયસ્વાલે સૌથી વધુ 49 રન બનાવ્યાં

મંગળવારે રમાયેલી મેચની વાત કરીએ તો રાજસ્થાન રોયલ્સે પ્રથમ બેટીંગ કરી 185 રન બનાવ્યાં. રાજસ્થાન તરફથી યશસ્વી જયસ્વાલે સૌથી વધુ 49 રન બનાવ્યાં. પંજાબ કિંગ્સ તરફથી અર્શદીપ સિંહે સૌથી વધુ 5 વિકેટ લીધી. 186 રનના ટાર્ગેટનો પીછો કરી પંજાબ કિંગ્સે 20 ઓવરમાં 4 વિકેટ ગુમાવી 182 રન બનાવ્યાં. પંજાબ તરફથી મયંક અગ્રવાલે 67 અને કેપ્ટન કેએલ રાહુલે 49 રન બનાવ્યાં. રાજસ્થાન રોયલ્સ તરફથી કાર્તિક ત્યાગીએ 2, ચેતન સકારિયા અને રાહુલ તેવાતિયાએ એક-એક વિકેટ લીધી.