- મુંબઈ ઇન્ડિયન્સ પ્લેઑફની રેસથી બહાર
- તૂટ્યું IPL જીતની હેટ્રિક કરવાનું સપનું
- 5 વખત ચેમ્પિયન બની છે મુંબઈ ઇન્ડિયન્સ
મુંબઈ ઇન્ડિયન્સ પ્લેઑફની બહાર થતાની સાથે જ સતત ત્રીજી વખત આઈપીએલ જીતવાનું સપનું તૂટી ગયું છે. સનરાઇઝર્સ હૈદરાબાદ વિરૂદ્ધ જે ચમત્કારિક આંકડાની જરૂરિયાત રોહિત શર્માની ટીમને હતી, તે પૂરી ન થઇ શકી.
મુંબઈ ઇન્ડિયન્સની સફર આ આઈપીએલમાં ઘણી ખરાબ રહી હતી, આ વખતે ટીમે કુલ 7 મેચ ગુમાવી દીધી અને પ્લેઑફમાં સામેલ ન થઇ શકી. 2018 બાદ એવું પહેલી વખત થયું કે, જ્યારે મુંબઈ ઇન્ડિયન્સની ટીમ પ્લેઑફમાં જગ્યા ન બનાવી શકી.
હૈદરાબાદ વિરૂદ્ધ જોઇતો હતો ચમત્કાર
તમને જણાવી દઇએ કે આ મેચની શરૂઆત થવા સુધી મુંબઈ ઇન્ડિયન્સ પ્લેઑફમાં પહોંચવાની રેસમાં હતું. મુંબઈને આના માટે બેટિંગ કરવાની હતી અને બાદમાં હૈદરાબાદને 171 અથવા તેનાથી વધુ રનથી હરાવવાનું હતું. મુંબઈએ પહેલા બેટિંગ કરતા, 235 રનનો મોટો સ્કૉર પણ બનાવ્યો. પરંતુ તેઓ હારનું મોટું અંતર ન બનાવી શકી.
આ 4 ટીમ પહોંચી પ્લેઑફમાં
મુંબઈના બહાર થયા બાદ જે ચાર ટીમોએ પ્લેઑફ માટે ક્વોલિફાઈ કર્યું છે, તે હવે નક્કી થઇ ગયું છે. દિલ્હી કેપિટલ્સ, ચેન્નઈ સુપર કિંગ્સ, રૉલ્સ ચૈલેન્જર્સ બેંગલુરૂ અને કોલકાતા નાઇટ રાઇડર્સ હવે પ્લેઑફની જંગ લડશે. કોલકાતાએ પ્લેઑફમાં પહોંચવાનો જશ્ન આ રીતે મનાવ્યો.
કેવા હશે પ્લઑફના મુકાબલા
- પહેલા ક્વૉલિફાયર, 10 એક્ટોબર(દુબઈ) - દિલ્હી કેપિટલ્સ vs ચેન્નઈ સુપર કિંગ્સ
- એલિમિનેટર, 11 ઓક્ટોબર(શારજાહ) - રૉયલ ચેલેન્જર્સ બેંગલુરૂ vs કોલકાતા નાઇટ રાઇડર્સ
- બીજુ ક્વૉલિફાયર, 13 ઓક્ટોબર(શારજાહ) - એલિમિનેટરની વિજેતા અને પહેલા ક્વૉલિફાયરમાં હારેલી ટીમ વચ્ચે
- ફાઈનલ, 15 ઓક્ટોબર(દુબઈ) - પહેલા ક્વૉલિફાયરની વિજેતા અને બીજા ક્વૉલિફાયરની વિજેતા ટીમ વચ્ચે
તૂટી ગયું જીતની હેટ્રિકનું સપનું
રોહિત શર્માની કેપ્ટનશીપ વાળી મુંબઈ ઇન્ડિયન્સ સૌથી વધુ સારી ટીમ બનીને ઉભરી છે. જો આ વખતે પણ મુંબઈ આઈપીએલ જીતવામાં સફળ રહી હોત તો સતત ત્રણ વખત આઈપીએલ જીતનારી ટીમ બની શકત, પરંતુ તે ન થઇ શક્યું.
મુંબઈએ વર્ષ 2020માં દિલ્હી કેપિટલ્સને હરાવીને ખિતાબ જીત્યો હતો, તે પહેલા ચેન્નઈ સુપર કિંગ્સને હરાવીને આઈપીએલ જીતી હતી. પરંતુ આ વખતે નેટ રનરેટની રેસમાં મુંબઈ ઇન્ડિયન્સ પાછળ રહી ગઇ.
5 વખત ચેમ્પિયન બની છે મુંબઈ ઇન્ડિયન્સ
- 2020- ચેમ્પિયન
- 2019- ચેમ્પિયન
- 2017- ચેમ્પિયન
- 2015- ચેમ્પિયન
- 2013- ચેમ્પિયન
