આઈપીએલમાં આજે બે મેચો રમાશે. પ્રથમ મેચ મુંબઈ ઈન્ડિયન્સ અને દિલ્હી કેપિટલ્સ વચ્ચે રમાશે. જ્યારે બીજી મેચમાં પ્લેઓફ માટે લાયક થયેલી ચેન્નઈ સુપર કિંગ્સ સામે રાજસ્થાન રોયલ્સ હશે. ચેન્નઈ સુપર કિંગ્સના કેપ્ટન મહેન્દ્ર સિંહ ધોની જેવા મેદાન પર ઉતરશે તેની સાથે મોટો રેકોર્ડ પણ નોંધાવશે.
આજે IPLમાં મહારેકોર્ડ બનાવશે મહેન્દ્ર સિંહ ધોની
IPLમાં કોઈ ફ્રેન્ચાઈઝી માટે 200 મેચમાં કેપ્ટન તરીકે રહેશે
ચેન્નઈ તરફથી કેપ્ટન તરીકે ધોની 200મી મેચ રમશે
ફ્રેન્ચાઈઝી માટે કેપ્ટન રહેનારા ધોની પ્રથમ કેપ્ટન
આઈપીએલમાં જેવા આજે ધોની ચેન્નઈ સુપર કિંગ્સ માટે કેપ્ટનશિપ કરશે અને તેઓ પહેલા એવા કેપ્ટન હશે, જે આઈપીએલમાં કોઈ ફ્રેન્ચાઈઝી માટે 200 મેચમાં કેપ્ટન તરીકે રહેશે. ધોની કેપ્ટન તરીકે આજે ચેન્નઈ તરફથી 200મી મેચ રમશે. આ એક મોટી સિદ્ધી છે.
ધોનીનો આઈપીએલમાં રેકોર્ડ
ધોનીએ આઈપીએલમાં અત્યાર સુધી ચેન્નઈ માટે 199 મેચમાં કેપ્ટનશિપ કરી છે. ધોનીની આગેવાનીમાં ચેન્નઈ 119 મેચ જીતી છે. જ્યારે 79 મેચ હારી છે અને 1 મેચ અનિર્ણિત રહી છે. આ આઈપીએલમાં ચેન્નઈ સુપર કિંગ્સે પ્લેઓફમાં ક્વોલીફાય કર્યુ છે. ચેન્નઈએ અત્યાર સુધી રમાયેલી 11 મેચોમાંથી 9 મેચમાં જીત મેળવી છે. આ સાથે 18 પોઈન્ટ પ્રાપ્ત કર્યા છે.
આ યાદીમાં ઘણાં ભારતીય ખેલાડી સામેલ
આઈપીએલમાં સૌથી વધારે મેચમાં કેપ્ટન રહેવા મામલે એમએસ ધોની બાદ વિરાટ કોહલીનું નામ આવે છે. વિરાટે રોયલ ચેલેન્જર્સ બેંગ્લોર માટે 136 મેચમાં સુકાનીપદ ભોગવ્યું છે. ત્યારબાદ ગૌતમ ગંભીરનું નામ આવે છે. જેઓ દિલ્હી કેપિટલ્સ અને કોલકત્તા નાઈટ રાઈડર્સ એમ કુલ મળીને 129 મેચોમાં કેપ્ટન રહ્યાં છે. ચોથા નંબરે મુંબઈ ઈન્ડિયન્સના રોહિત શર્મા આવે છે, જેઓ 126 મેચમાં કેપ્ટન બન્યાં છે.