ક્રિકેટ / IPLના ઈતિહાસમાં આ સીઝન સૌપ્રથમ વખત આવી હશે, સમય પણ નવો હશે

• બીસીસીઆઈએ આઈપીએલના શેડ્યૂલની જાહેરાત કરી
• IPLના ઈતિહાસમાં આ સીઝન સૌપ્રથમ વખત આવું થશે
• આ ટૂર્નામેન્ટ કુલ 53 દિવસ સુધી ચાલશે

ભારતમાં કોવિડ-19ના કેસોની સંખ્યામાં વધારો થવાને કારણે સંયુક્ત આરબ અમીરાત (યુએઈ)ના ત્રણ સ્થળો દુબઈ, અબુ ધાબી અને શારજાહમાં આ વર્ષે વિશ્વની સૌથી મોટી ટી-20 લીગ યોજાશે.

આ વખતે આયોજકોએ આઈપીએલ મેચના નિયમિત સમયથી 30 મિનિટ આગળ આવવાનું નક્કી કર્યું છે. હવે સાંજે 4 વાગ્યાની જગ્યાએ બપોરે 3:30 વાગ્યે મેચ શરૂ થશે. સાંજની મેચો સાંજે 7:30 વાગ્યાથી રમવામાં આવશે, જે અગાઉ રાતે આઠ વાગ્યાથી હતી.

આ વખતે આઈપીએલના 10 ડબલ હેડર (એક દિવસમાં બે મેચ) રમવામાં આવશે. ટૂર્નામેન્ટ 19 સપ્ટેમ્બરથી શરૂ થશે અને 53 દિવસ સુધી ચાલશે. આઈપીએલની ફાઈનલ 10 નવેમ્બરના રોજ યોજાશે. બીસીસીઆઈના જણાવ્યા અનુસાર કુલ દસ દિવસ સુધી બે મેચ રમાશે. આઈપીએલ 2020ના પ્લેઓફ સ્થળની જાહેરાત પછી કરવામાં આવશે. આ ટૂર્નામેન્ટ કુલ 53 દિવસ સુધી ચાલશે અને આ રીતે તે આઈપીએલના ઇતિહાસમાં સૌથી લાંબી ચાલનારું સત્ર બની જશે.

આ કાર્યક્રમ ઓગસ્ટના અંતિમ સપ્તાહમાં રજૂ થવાની સંભાવના હતી, પરંતુ ચેન્નઈ સુપર કિંગ્સના 13 સભ્યો કોવિડ-19 પોઝિટિવ આવતા જાહેરાત પોસ્ટપોર્ન કરવામાં આવી. આ સિવાય દુબઈ અને અબુ ધાબીમાં અલગ અલગ નિયમો હોવાને કારણે આઇપીએલની સંચાલન ટીમ આ કાર્યક્રમને અંતિમ સ્વરૂપ આપવામાં મોડી પડી હતી. ઓસ્ટ્રેલિયામાં યોજાનારા ટી-20 વર્લ્ડ કપ મુલતવી કર્યા પછી જ સપ્ટેમ્બરથી નવેમ્બર સુધી આ ટૂર્નામેન્ટના આયોજન માટેનો સમય ઉપલબ્ધ થઈ શક્યો છે.