તમારા કામનું / પરણિત લોકોને આ રીતે PPFમાં રોકાણની મર્યાદા વધવાની સાથે મળશે ટેક્સ બેનિફિટ્સ, જાણો શું છે ટ્રિક

• PPFમાં કરો રોકાણ 
• આ રીતે મળશે ટેક્સ બેનિફિટ્સ 
• સાથે ડબલ થશે રોકાણ 

પબ્લિક પ્રોવિડન્ટ ફંડ એટલે કે PPFએ રોકાણનું જબરદસ્ત માધ્યમ છે, જે સારું વળતર આપે છે. આ E-E-E કેટેગરીમાં આવતું રોકાણ છે. એટલે કે રોકાણ, વ્યાજ અને પાકતી રકમ પર કોઈ ટેક્સ લાગતો નથી. પીપીએફમાં વાર્ષિક રૂ. 1.5 લાખ સુધીના રોકાણ પર કર મુક્તિ ઉપલબ્ધ છે. આ જ કારણ છે કે લોકો પીપીએફમાં રોકાણ કરવાને લઈને ધરાવે સ્યોર હોય છે. પરંતુ જો તમે PPFમાં રોકાણ કરતા પહેલા કેટલીક મહત્વપૂર્ણ બાબતોને ધ્યાનમાં રાખશો તો તમને વધુ ફાયદો થશે.

PPFમાં રોકાણકારોને એશ્યોર્ડ રિટર્ન મળવાની સાથે જ ઈનકમટેક્સના સેક્શન 80C હેઠળ 1.5 લાખ રૂપિયા સુધીના રોકાણ પર ઈનકમ ટેક્સ છૂટ પણ મળે છે. ઘણી વખત એવું પણ બને છે કે પીપીએફ રોકાણની મર્યાદા પૂરી થઈ ગયા પછી પણ રોકાણકાર પાસે પૈસા બચી જાય છે અને તે રોકાણના વિકલ્પો શોધતો હોય છે. ટેક્સ નિષ્ણાંતોના મતે જો રોકાણકાર પરિણીત છે. તો તે તેની પત્ની અથવા પતિના નામ પર પીપીએફ ખાતું ખોલાવી શકે છે અને તેમાં 1.5 લાખ રૂપિયા અલગથી રોકાણ કરી શકે છે.

PPFમાં રોકાણ પર મળે છે આ ફાયદો 
એક્સપર્ટ્સ અનુસાર જીવનસાથીના નામ પર PPF ખાતું ખોલવાથી રોકાણકારના PPF રોકાણની મર્યાદા બમણી થઈ જશે. જો કે તે પછી પણ આવકવેરામાં છુટની મર્યાદા 1.5 લાખ રૂપિયા રહેશે. 

ભલે તમને 1.5 લાખ આવકવેરામાં છૂટ મળે પરંતુ તેના બીજા ઘણા ફાયદા છે. PPF રોકાણ મર્યાદા બમણી થઈને રૂ. 3 લાખ થાય છે. E-E-E શ્રેણીમાં હોવાથી, રોકાણકારને PPFના વ્યાજ અને પાકતી મુદતની રકમ પર કર મુક્તિ મળે છે.

ક્લબિંગ જોગવાઈઓની કોઈ અસર નથી
તમે તમારી પત્નીને આપેલી કોઈપણ રકમ અથવા ભેટમાંથી થયેલી આવક આવકવેરાની કલમ 64 હેઠળ તમારી આવકમાં ઉમેરવામાં આવશે. જો કે, PPFના કિસ્સામાં જે EEE ના કારણે સંપૂર્ણપણે ટેક્સ ફ્રી છે. ક્લબિંગની જોગવાઈઓની કોઈ અસર નથી પડતી. 

પરિણીત લોકો માટે ટ્રિક
ત્યાં જ જ્યારે તમારા પાર્ટનરનું PPF એકાઉન્ટ ભવિષ્યમાં મેચ્યોર થાય છે ત્યારે તમારા પાર્ટનરના PPF એકાઉન્ટમાં તમારા શરૂઆતી રોકાણનું આવક વર્ષ-દર વર્ષે તમારી આવકમાં ઉમેરવામાં આવશે. તેથી આ વિકલ્પ પરિણીત લોકોને PPF ખાતામાં તેમનું યોગદાન બમણું કરવાની તક પણ આપે છે.

એ લોકો માટે આ સારો વિકલ્પ છે જે ઓછું રિસ્ક લેવા માંગે છે અને તેઓ NPS, મ્યુચ્યુઅલ ફંડ્સ જેવા બજાર સાથે જોડાયેલા રોકાણ કરવા માંગતા નથી. જ્યાં જોખમનો ખતરો વધારે રહે છે. તમને જણાવી દઈએ કે જુલાઈ-સપ્ટેમ્બર ક્વાર્ટર માટે PPFનો વ્યાજ દર 7.1% નક્કી કરવામાં આવ્યો છે.