- SBIની આ બે યોજનાઓમાં કરો રોકાણ
- મળશે સૌથી સારૂ રિટર્ન
- જાણો શું છે આ યોજના
જો તમે મ્યુચ્યુઅલ ફંડમાં રોકાણ કરવા માંગો છો અને આ માટે નવી અને સારી સ્કીમ શોધી રહ્યા છો તો તમારી પાસે SBIની આ બે સ્કીમમાં રોકાણ કરવાની સારી તક છે. તમને જણાવી દઈએ કે એસબીઆઈ મ્યુચ્યુઅલ ફંડ (SBI Mutual Fund) એસબીઆઈ નિફ્ટી સ્મોલકેપ 250 ઈન્ડેક્સ ફંડ અને એસબીઆઈ નિફ્ટી મિડકેપ 150 ઈન્ડેક્સ ફંડ (SBI Nifty Smallcap 250 Index Fund)ની બે નવી યોજનાઓ છે. બંને નવી ફંડ ઑફર્સ (NFOs) ના સબ્સ્ક્રિપ્શન માટેની છેલ્લી તક આજે એટલે કે 26 સપ્ટેમ્બર 2022 છે. બંને ઓપન એન્ડ ફંડ્સ છે. એટલે કે, રોકાણકારો જ્યારે ઇચ્છે ત્યારે સ્કીમમાંથી બહાર નીકળી શકે છે.
5000 રૂપિયાથી કરો રોકાણ
SBI મ્યુચ્યુઅલ ફંડ મુજબ, SBI નિફ્ટી સ્મોલકેપ 250 ઇન્ડેક્સ ફંડ અને SBI નિફ્ટી મિડકેપ 150 ઇન્ડેક્સ ફંડમાં રોકાણ કરવાની લઘુત્તમ મર્યાદા રૂપિયા 5000 છે. તે પછી 1ના મલ્ટીપલમાં રોકાણ કરી શકાય છે. જ્યારે SBI નિફ્ટી મિડકેપ 150 ઇન્ડેક્સ ફંડનો બેન્ચમાર્ક ઇન્ડેક્સ Nifty Midcap 150 TRIછે અને SBI નિફ્ટી સ્મોલકેપ 250 ઇન્ડેક્સ ફંડનો બેન્ચમાર્ક ઇન્ડેક્સ Nifty Smallcap 250 છે. બંને યોજનાઓના ફંડ મેનેજર હર્ષ સેઠી છે. જો તમે આ બે યોજનાઓમાં રોકાણ કરો છો, તો તમને વધુ સારું વળતર મળવાની શક્યતાઓ વધી જાય છે.
સ્ટેટ બેંક ઓફ ઈન્ડિયાની વેબસાઈટ અનુસાર, જો કોઈ રોકાણકાર નિષ્ક્રિય રોકાણ માટે ઉકેલ શોધી રહ્યો હોય, તો ઈન્ડેક્સ ફંડ તમારા માટે વધુ સારો વિકલ્પ બની શકે છે. ઈન્ડેક્સ ફંડ મ્યુચ્યુઅલ ફંડ્સ છે જે ચોક્કસ ઈન્ડેક્સને ટ્રેક કરે છે. ભારતમાં સેન્સેક્સ, નિફ્ટી 50, નિફ્ટી 500, નિફ્ટી સ્મોલકેપ 250, નિફ્ટી મિડકેપ 150 જેવા ઘણા સૂચકાંકો છે. ઇન્ડેક્સ ફંડમાં રોકાણ કરવાનો ફાયદો એ છે કે તે ઓછી કિંમતે છે અને તેમાં રોકાણ કરવું સરળ છે.
.jpg)
પેસિવ ફંડ હોઈ શકે છે બેસ્ટ વિકલ્પ
જો તમે નવા રોકાણકાર છો અને ઇક્વિટી માર્કેટમાં સીધું રોકાણ કરવા માંગો છો. તો પછી યોગ્ય શેરોની પસંદગી કરવી અને તેને ટ્રેક કરવું ખૂબ જ મુશ્કેલ કાર્ય બની શકે છે. આવી સ્થિતિમાં પેસિવ ફંડ તમારા માટે વધુ સારો વિકલ્પ છે.
આ તમને ફંડ મેનેજરના કોઈપણ પક્ષપાતને ટાળવામાં મદદ કરી શકે છે. બીજી બાજુ, જો તમે બજારના ચોક્કસ સેગમેન્ટ પર વ્યૂહાત્મક દૃષ્ટિકોણ રાખવા માંગતા હો, તો પેસિવ ફંડ એક સારો વિકલ્પ છે. ઇન્ડેક્સ ફંડ દ્વારા લાંબા ગાળામાં સંપત્તિનું ક્રિએશન કરી શકાય છે.
