હવે ખૂબ જલ્દીથી તમારી વિદેશ યાત્રા મોંઘી થવાની છે. આગામી 1 એપ્રિલ 2020 બાદ વિદેશી ટૂર પેકેજ ખરીદવો અને વિદેશોમાં કોઇ પણ ફંડ ખર્ચ કરવો મોંઘો થઇ જશે. જો કોઇ વિદેશ ટૂર પેકેજ ખરીદે છે અથવા વિદેશી કરંસી એક્સેન્જ કરાવે છે તો 7 લાખ રૂપિયાથી વધારે રકમ પર ટેક્સ કલેક્શન (TCS) આપવો પડશે.
સામાન્ય બજેટ 2020માં કેન્દ્ર સરકાર એક એવો પ્રસ્તાવ લઇને આવી છે
વિદેશ માટે ટૂર પેકેજ ખરીદવા અથવા કોઇ અન્ય રૂપથી વિદેશમાં ખર્ચ કરવા પર ટેક્સ આપવો પડશે.
વાસ્તવમાં કેન્દ્ર સરકારે સામાન્ય બજેટ 2020માં સેક્શન 206C માં સંશોધન કરીને વિદેશી ટૂર પેકેજ અને ફંડ પર TCS લગાવવાનો પ્રસ્તાવ આપ્યો છે.
જો કોઇ વિદેશમાં ટ્રાવેલ, શિક્ષા અને અન્ય પ્રકારનો ખર્ચ કરે છે અથવા કોઇને ભેટ મોકલે છે અથવા રોકાણ કરે છે તો આ પ્રકારનું ટ્રાન્ઝેક્શન આરબીઆઇના લિબરલાઇઝ્ડ રેમિટેન્સ સ્કીમ (LRS) હેઠળ રેગ્યુલેટ થશે. એ હેઠળ ઉચ્ચતમ સીમા એક નાણાંકીય વર્ષમાં 2.5 લાખ ડૉલર નક્કી કરવામાં આવી છે. 70 રૂપિયાના એક્સચેન્જ રેટના હિસાબથી આ રકમ આશરે 1.75 કરોડ રૂપિયા થાય છે.
શું છે નવો નિયમ
ઇન્કમ ટેક્સ એક્ટ, 1961ના સેક્શન 206C હેઠળ જો કોઇ અધિકૃત ડીલર એક વર્ષમાં 7 લાખ રૂપિયાથી વધારે રકમને એલઆરએસ દ્વારા વિદેશ મોકલે છે તો એમને 5 ટકાના ભાવથી TCS આપવો પડશે. આ નિયમમાં આગળ કહેવામાં આવ્યું છે કે વિદેશી ટૂર પેકેજ વેતનાર સેલર પર TCS આપવાની જવાબદારી હશે. જો પાન અથવા આધાર પૂરું પાડવામાં આવતું નથી તો એના માટે 5 ટકાની જગ્યાએ 10 ટકાના દરથી TCS આપવો પડશે.
વિદેશમાં ભણવું મોંઘુ થઇ જશે. આ વિદેશી ટૂપ પેકેજમાં ભારતની બહાર કોઇ એક દેશ અથવા બીજા ઘણા દેશોન ટૂર પેકેજનો સમાવેશ થાય છે. એમાં ટ્રાવેલનો ખર્ચ, હોટલમાં રહેવાનો ખર્ચ, બોર્ડિંગ લૉજિંગ સહિત અન્ય પ્રકારના તમામ ખર્ચા સામેલ થશે. સરકારના આ પ્રસ્તાવ બાદ હવે વિદેશમાં અભ્યાસ માટે જવાથી લઇને વેકેશન માણવા સુધી મોંઘુ થઇ જશે.
જો કે જ્યારે જાણકારોને પૂછવામાં આવ્યું કે શું બેંક અથવા મની ચેન્જર્સ દ્વારા વિદેશી કરંસી એક્સચેન્જ કરાવવા પર પણ 5 ટકાના દરથી TCS આપવો પડશે? જાણકારોનું કહેવું છે કે કોઇ પણ અધિકૃત વ્યક્તિ જે ગ્રાહકોથી આ પ્રકારનું પેમેન્ટ લે છે તો એના માટે એને 5 ટકાના ભાવથી TCS કાપવો પડશે.
મળી શકે છે રિફંડ
એક મીડિયા રિપોર્ટ અનુસાર વાસ્તવિક રીતે વિદેશી પ્રવાસ મોંધો થશે નહીં. વાસ્તવમાં ઇન્કમ ટેક્સ દાખલ કરીને એની પર રિફંડ ક્લેમ કરવામાં આવી શકે છે. વિશેષજ્ઞએ જણાવ્યું કે ગ્રાહક દ્વારા ચુકવણી કરવામાં આવેલ TCS ને ઇન્કમ ટેક્સ રિટર્ન દાખલ કરીને રિફંડ માટે ક્લેમ કરવામાં આવી શકે છે. જો કે આ રિફંડ એ લોકોને જ મળશે જે ITR દાખલ કરે છે.