મહત્વનાં સમાચાર / DGCAનો નિર્દેશ : આંતરરાષ્ટ્રીય ફ્લાઈટો પર પ્રતિબંધ લંબાવાયો, જાણો ક્યાં સુધી ફ્લાઈટો બંધ રહેશે

• પ્રતિબંધ 31 ડિસેમ્બર સુધી લંબાવી દીધો 
• ફક્ત સિલેક્ટેડ વિમાનોની અવરજવરની પરવાનગી
• સ્થિતિ સમાન્ય થવામાં  2024 સુધીનો સમય લાગશે 

ધ્યાનમાં રહે કે ભારતમાં કોરોનાની મહામારીને કારણે 2 મહિનાના વિરામ બાદ 25 મેથી ડોમેસ્ટીક ફ્લાઈટ્સ ફરી શરુ કરવામાં આવી હતી. આ બાદ વિદેશમાં ફસાયેલા પ્રવાસીઓને પાછા લાવવા માટે વંદે ભારત મિશન ચલાવવામાં આવ્યું હતુ અને અનેક દેશોની સાથે એર બબલ કરાર કરવામાં આવ્યા હતા. ભારતીય એરલાઈન્સને પૂર્વ કોવિડ -19 ડોમેસ્ટિક ફ્લાઈટના મોટા ભાગના 60 ટકા સંચાલનની પરવાનગી છે.

વિમાની મુસાફરીને 2019 જેવી સામાન્ય થવામાં 2024 સુધીનો સમય લાગશે 

એર કંપનીઓના International Air Transport Associationના સીઈઓ એલેક્ઝેન્ડર ડી જુનિયાકે કહ્યું હતું કે વૈશ્વિક મહામારી કોરોનાના કારણે રેવેન્યૂ પેસેન્જર કિલોમીટર (રાજસ્વ પ્રવાસી કિલોમીટર) પોતાની 2019ની સ્થિતમાં વર્ષ 2024 સુધીમાં પાછા ફરશે. તેમણે કહ્યું કે જો વાયરસ પર નિયંત્રણ મેળવવામાં કે વેક્સીન વિકસિત કરવામાં આપણે સફળ ન થયા તો આ સમય આગળ ધકેલાઈ શકે છે.